أنا والأفلام ؟؟؟

السلام عليكم ورحمة الله وبركاته..
خوااتي أنا عندي سؤال ومحتاارة أبي الجواب النافع والي يريحني ..=(
لأنه واااااايد شاغل بالي =(

أنا مب من النوع الي يتابع مسلسلات وأفلام وغيره .. بس في مرة ربيعتي قالت لي عن فلم كوري قصته حلوة فتشجعت وحبيت أشوفه ..

وشفته وضييعت وقتي ويااه وتأثرت وصحت وضحكت لدرحة أدمن المسلسل مع اني ما كنت جي ..
بس لحمدلله عقب فترة رااح هالعشق لكن المشكلة انه اختي الكبيرة جافته وياي وحبته
عقب هي أدمنننننننننت عالافلام الكورية والله لدرجة الادماااااان ..
حسييت اني كرهت عمري لأني انا السبب وفتحت لها هالمجال الي ما كانت تعرف عنه شي ..

حاولت قدر الامكان اني انصحها لاكن هي وااااايد عنيدة..

بس هاي نص مشكلتي .. المشكلة الاكبر اني قلت لوحدة زميلتي عنه وقالت تبا تشوفه وقلت لها بكل حماس انا عندي وبعطييج .. ونقلته لها بس قبل لا نطلع وصيتها ما تطرشه لحد عسب ما يكون فميزاني=(

وهاليومين كان عندي شرح وما حصلت موضوع غير كوريا لانه سهل وفنهاية الموضوع رمست عن افلامهم المشهورة وكل ها بنية اني اخذ الدرجة النهائية فالبرزنتيشن مالي ..
بس شوو صاار ؟؟ باليوم الثاني فتحنا سالفة العرض وعقب رمسنا عن الافلام مالهم وما حسيت على عمري إلا اني مندمجة وياهم بالسوالف وقلت عن هالمسلسل فقاالو ثنتين منهم بنشووفه اليووووم..
احس نزلت صاعقة علي =(
الحين زاااادت الذنووب المتراكمة علي .. والله قمت أخاااف من باجر وأحاتي هالسالفة وكييف راح يصير كل ها بذمتي =(
المسلسل ما فيه شياء اباحية ولا شي بس فيه كمن لقطة ماصخة عاد انتو تعرفون الاجانب حلوة الحياة عندهم..

المهم الحيين شووو اسوي =(
والله محتااارة وخااايفة باجر كل ها راح يضير بذمتي ووفرضا طرشوه حق حد أ عرضوه بمنتدى او شي راح تصييير كل الذنووب علي انا عن كل واحد يشوفه ..=(

ياااااا رب والله اني ندماانه كل الندم وخايفة من باجر شو راح يصير فيني ويوم بموت الله العالم شو راح يصير فيني=( =(

الله يخلييكم لو تعرفون شي اقد ر اسوييه عسب يروح هالشي عن ذمتي ..
انا أذكر انه في هني فهالقسم داعية وأكيد تعرف كيف أتصرف أو شو الحكم..
ولو وحدة منكم تعرف شي تخبرني الله يخليكم ترا أنا محتااااجة لكم من بعد رب العالمين ..
أبي أطييح هالشي من ذمتي ليوم الدين بس ما اعرف كييف ؟..
الله يجزي الي بتساعدني كل خييير يارب ..

محد يبخل علي بلييز ولو بدعوة عالاقل ..

والله انا شراتج ادمنت المسلسلات الكوريه واغانيهم وحتى قناة كوريا اشوفها ومب قادره اودرهم

الله المستعان

اخييييييييييييييه ما داني لا مسلسلات كوريه ولا تركيه ولا اي شييي بس خليجي ها كيف تطالعونه ماعرف اختي خواتي ومممم وخلاتي يطالعونه بس الحمدلله انا ما اطالعه حدي استار اكاكديمي خخخخخخ

اختي لا تشوفين هالمسلسلات ولا تنصحين حد يشوفهن

اذا انت مسلسلات انا عندي ادمان خطير فقناة روتانا سينما واااايد احب الافلام المصريه وهذا الشي الوحيد اللي اتابعه فالتلفزيون اي لقطه موزينه ما شوفها بس احب طريقة كلامهم وايد ولهجتهم مع اني امراتيه ام اب

الله يكون فعونا ويهدينا للصراط المستقيم

مالج يا اختي غير اللجؤ الى الله سبحانه

اكثري من الاستغفار وايد وايد يعني ألف ألفين مره في اليوم أو أكثر

وادعي في ساعات الاجابه بين الأذان والاقامه , يوم الجمعه قبل المغرب, في السجود

وقيام الليل قومي نص ساعه على الأقل وصلي وادعي من قلب خالص باللي تبغينه

والله سبحانه يستجيب لعباده اذا أخلصوا الدعاء .