أنتي . وأهل ريلج .العيال ؟؟؟؟؟؟

خواتي الغاليات بغيت أسألكم سؤال لما تروحين عند أهل ريلج ويقوم الجد والجدة بتدليل عيالج أكثر من اللزوم . أظنكن فاهمين علي يعني يطاوعوهم بكل شئ . يعني يعطونهم الشئ الي أنتي مثلا ترفضينه لهم . مثلا أنتي ترفضين شئ معين وهم يقولون ماعليه خليهم يهال . كيف تتصرفين ؟؟وشو يكون موقفج منه ؟؟ولما يتدخلوا في تربيتج لعيالج شو تقولين ؟؟؟؟؟ مثلا أنا يوم نسير بيت عمي في رأس الخيمة نيلس مثلا يومين الى ثلاث أيام أكون يالسه على أعصابي . بنتي ما تسمع كلامي تدلع آخر دلع هناك .الدلال اييلها من كل صوب من جدها وجدتها ومن أعمامها تراها أول حفيدة . أنا ما أرفض الدلال بس بحدود الياهل لو غلط نفهمه غلطه مب نقول له ما عليه ما يفهم . آسفة لو طولت عليكن بس أبي أعرف شو موقفكن . من الدلال الي يفسد ؟؟؟؟؟؟؟ صحيح أن(( ما أعز من الولد الا ولد الولد )) بس شو الحل ؟؟؟؟ خلينا نتناقش…

ليش يا الغاليات 33 زيارة ولا مشاركة ؟؟؟؟؟؟؟؟؟ على الأقل نصيحة ..

أنا ساكنه عندهم الحين وبيب أول حفييييييد والله يستر

ما عليه تحملي يالغاليه إلا هو كمن يوم يعني مب ساكنه وياهم ويوم بتدرين البيت ربي عيالج على راحتج

عيل أحنا شو نسوي اللي ساكنين عندهم

للرفع……………………….

عادي اختي المفروض تفرحين انا اهلي ريلي مرات يوم يعطون شي ولدي ممنوع منه اقوله لهم خلاص وهم يعرفون ومنو ما تحب حد يدلع اعيالها انا استانس يوم اشوف اهل ريلي يلعبون اعيالي حتى اعيالي يفرحون

اختي حطي ف بالج مثل ما انتي تخافين ع اعيالج حتى هم يخافون عليهم وخلي يدلعونهم شو يعني

حمدي ربج انهم ايدللونهم

وشو مزعلنج ……… اليد واليدة فرحانين بعيالهم ولو ابوج وامج دلعوا عيالج بتفرحين وما بتقولين شي

……. ولانهم اول احفادهم فهم مدللين ويوم بيونهم احفاد من غيرج بيخف الدلع وبتتمنين حد يدلع اعيالج

لازم اتفهمين بنتج ان في اشياء غلط ولازم ما اتسويها
وما تاخذ من حد شيء انت ما نعتنه منها

حمي جي مربي عياله .. اذا يو عدنا في البيت .. وهم يعتبرون اول احفاد في البيت
لكن اذا عطيناهم شيء يقولون لا بابا ما يخلينا

وبعدين لا تتضايقين خليهم يستانسون .. وعادي اذا في شيء انت ما تبين اعيالج يا خذونه قوليلهم ما فيها شيء

وبعدين الى هن كمن يوم وخلاص