أهل الخبرة .!

أمهاااااات

بنتي من اسبوع ياتها حمة وكحة وبلغم و زكام طبعا الزكام من يوم طلعت من بطني يخف ويرجع..

ولين الحين تكح وكلة ترجع وما ترضا تاكل وديتها للدكتور وعطاها ادويه ولا احسة تفيد بشي..

أنا اروح عنها الجامعة وما ارجع الا بالويكند و اليوم همتني ترجع وهي راقدة..قومتها وبدلت ملابسها وهي راقدة مسكينة وطول الليل تكح

مليت من المستشفيات ما يسو شي لا الخاص ولا الحكومه..

انصحوني شو اسوي..؟؟ ابي دوا اوك حق الكحة والبلغم

أو اي شي طبيعي ممكن اسوي..

بنتي كملت سنه من شهر

وديها الطواري احسن

حبيبتي ماشي فايدة كم مرة من قبل وديتها مايسو شي..

ومن غير ريلي دوام

عزيزتي
أنا بنتي من أسبوع مرضت كحه وزجام وحراره ويوم تزيد عليها الكحه تزوع وخف أكلها ووزنها بعد ناقص
عطتني الدكتوره دوا للكحه أسمه prospan

ثلاث مرات في اليوم الحلو فيه أنه طبيعي ومافيه كحول وملونات أصطناعيه
الحمدلله أشوى عن قبل وبكره موعدها بعد أسبوع .
والأكل قمت أأكلها غصب المهم تاكل وجبتها وأحنا نلعب
تحملي عليها هي محتاجتنج .. عورتيلي قلبي على حالها

ما عطيتها مضاد حيوي اريد جسمها يقاوم .. الفايروس بياخذ وقته والجسم بعد بيتعلم أيقاوم .

سلاامتها ان شاء الله اذا فيها زكام يبي فكس ودهنب ريولها وللبسيها دلاغ حطي فكس شوي وعلى صدرها وضهرها ‏ واللبان زين حق البلغم انتي شو طعتين بنتج ينسون تينها ‏ امبرس اذا تعطينها اعشاب مال الا طفال اللي يبيعون امبرس ولا هيرو هذا يسوي بلغم

السلام عليج الغاليه

ولدي كان شرات بنتج

كله يكح والكحه اذا يته اطول بالاشهر لين تروح عنه …ومن كثر البلغم والترجيع ما كان يااكل

وعلى فكره ترا الحليب الصناعي يزيد البلغم ويزيد الكحة فقطعته عنه

ووديته واايد اماكن ما نفعاه الا مستشفى الخليج التخصصي الي في بوظبي عند الدكتور مالك

الله يجزاه خير وايد خفت الكحة بس ما زال يكح فقمنا و اشتريناله جهاز البخار …وهو يتعبى بماي مالح فقط …يعني ما في اي ادويه …وكان ما يتقبل جهاز البخار ..فكنا قدر ما نقدر نعطيه …كنت اعطيه مرتين في اليووم ووووواااااايد نفعاه ووخر البلغم عنه وتمت الكحه تقل لين ما انقطعت ولله الحمد…

وحاولي قد ما تقدرين انها لما تنام ما اييها تيار هوائي ..يعني لا تخلين هوا التكيف يدقها ..واذا في ستاره لسريرها غطيها بحيث انه ما اييه التياار الهوائي لانه ايزيد الكحه

فعن تجربه شخصيه جربي اول شي جهاز البخار …واذا ما نفعها وديها الدكتور
والله يشفيلج بنوتج يا ربي

هذا الدوا عندي قطعته عنه لان الدكتور وصفلي دوا ثاني بس شكلي برجع له لأنه احس من الي عندي..
المضاد عطيتها وخلص وما افكر اعطيها..

تسلمي ع النصيحة