إذا عندج طفل أو طفلة في عمر الثلاث سنوات ساعديني

السلام عليكم أخواتي
و الله أنا في حيرة من أمري عندي بنية عمرها بالضبط 3 سنين و خمس شهور ما أبغي ادخلها المدرسة الحين
تقولون وين المشكل المشكل أن القانون اليديد يقول لازم كيجي 1 و كيجي 2 قبل تدش صف أول
عيالي الكبار ما دخلتهم غير كيجي 2 و سيدا صف اول و في عمر خمس سنين كانوا صف أول
الحين لو خليتها بتضيع عليها سنة و نصف يعني تكون صف أول إن شاء الله عمرها 6 سنين

فما أعرف شو أسوي أنا أخاف أرسل أطفالي في هذا السن الصغير المدرسة
أخاف من مشاكل الباصات لو ينسونها بالباص أو يستوي بها شي بعدها ما تفتهم
أما تعليم أعلمهم بالبيت يدشون يعرفون كل شي من الأرقام و الحروف وقرآن يعني كأنها خدات كيجي 1 و كيجي 2

حبيباتي هل القانون سمعتو به لأن مدرسة اللي خبرتني و اللي دخلوا عيالهم من عمر بنتي هل ما في خوف عليهم و شو مدارسهم

طولت عليكم سامحوني

لا حول ولا قوة الا بالله

من أصبح آمنا في سربه، معافى في بدنه، عنده قوت يومه، [ فكأنما حيزت له الدنيا بحذافيرها ]
لنحمـد الله على النعم ..

الغاليه..انتي دخليها وتوكلي على الله..انا اعرف وايد دخلوا بهالعمر..
وربج الحافظ..هاي وجهة نظري

للرفع

عادي حبيبتي تاخرينها اذا انتي تدرسينها لانه عند التسجيل بيسون لها تحديد مستوي ولدي حطوه في كي جي 2 بس انا ما رضيت رجعته ع كي جي 1 …. مش اجباري بس يقولوون الاعمار من عمر 3 ونص في كي جي 1 و اللي فوق في الصف اللي بعده …. انتي اتكلي الله وشوفي وين خيرتج

هلا حبيبتي
بالنسبة للقرار فما سمعت أبد .. يمكن يكون صح ويمكن غلط

انا عندي بنت درستها كيجي 1 في مدرسة حكومية .. والسنة هذي راحت كيجي 2 مدرسة خاصة

خبرتهم انها درسة كيجي 1 في حكومي .. بس ما طلبوا مني اثباتات او شي

فاعتقد في الخاص الامر عادي ..