إستفسار عن العمرة السعودية

السلام عليكم ورحمة الله وبركاته
فديتكم اللي تعرف أسعار التذاكر للسعوديه بتاريخ 5/5 الشهر الياي
والفنادق ع كم لمدة 4 أيام تخبرني

وجزاكم الله خير

اختي في مواقع خاصه تطلع لك أرخص تذكره في جميع شركات الطيران

و الفنادق ادخلي موقع بوكينج

ربي يوفقك

انا بعد عندي استفسار

شو تنصحوني احجز عن طريق النت و لا مكتب سياحة

حصلت عرض 5 ايام طيران ناس و فندق موفنبيك بـ 2600
شو رايكن زين؟

انا رحت الاسبوع اللي طاف التذكرة كانت للشخص بـ 2900 على طيران الاتحاد الدرجة السياحية ..

والسكن في موفنبيك برج هاجر .. كلفنا السكن 12 ألف تقريبا لـ 4 ليالي .. سويت غرفة وصالة وغرفة .. وحجز السكن كان عن طريق حملة التنعيم

السيارة من جدة لمكة روحه ورجعه بـ 700 ريال

حجزنا السكن + السيارة عن طريق الحملة

اما الطيران مكتب سفريات

عن تجربة شفت بوكينع سعره اغلى عن الحملات

الحملات يعطونهم اسعار حلوة

انتي جربي اتصلي حق كذا حملة وشوفي عروضهم

جربي المكاتب السياحية تكون اسعارهم احيانا احسن عن الحملات
من تذاكر وفنادق
أما التوصيل من المطار لمكة يكلف 150 ريال
عند بوابة الخروج تحصلينهم كم كثرهم بس كاسريهم