وش رآيـكُم في العنوان .كأنه إسم مسلسل
طبعاً هالموضوع هو ردي على العملية التآسعه في مسلسل المآفيا ( العملية الحمرآء )
بس غيّرت الصور لأن الصور الأولى معفنه .. صورت من جديد <- يقال لي رايقه هاليومين
طبعاً فيه كثـير سألوني عدة أسئلة بس الظروف منعتني أرد ع البنات سامحوني
رآح أقول لكم على طريقة عنآيتي بالمنطقة الحميـمه شهرياً ويومياً
طبعاً طريقتي الشهرية تكون بعد الدورة ( كرمتم )
وعلى طآري الدورة أكثر فوط صحية أستخدمها ومرتآحة معاها هي برايفت
كثير مدحوا لي الكوتكس واذكر مرتن من المرارير جربتها بس مرتآحة مع البرايفت
هذي صورتها
لاروائح لاحساسيه ولا تدفق
خارجي <- مع العلم اني لازم ألبس ثنتين لأسباب مدري شسميها
بعد الدورة يجي التنعيم ( إزالة الشعر )
وعمري مارآح أغير طيقتي لو مهما يعذربون فيها
الحلاوة …
قلت في عملية المافيا عن تجربة أمي وأخواتي وكلنا نستخدم الحلاوة
قلت ( أمي رغم إنو عمرها فوق الـ 70 وأختي الكبيره 40 إلا أنهم مايعانون من الترهل <-
وهذا كلامهمأثناء نقاشي معاهم في أضرار الحلاوة المنتشره أخبارها ..
والسبب بسيط وهو إنهم يتنقعون في خل تفاح )
طبعاً الخل يشد المنطقة فـ بعد النتف أتنقع في مويه وخل بس للأمانه كثير قالت لي أمي لاتتنقعين
فيها لأن ممكن تضرك لأنك بنت يكفي تمسحين فيها المنطقة .. بس
مااستانس ولايبرد قلبي الا اذا تنقعت
لذلك اللي تخاف .. فقط تمسح المنطقة
وقبل النتف والخل نسيت الأهم
الديتول .. أنا ماادري كيف كنت أنتف قبله ؟؟
أفتكر رغم اني كنت أغسل المنطقة قبل النتف الا إنه كآن يطلع لي حبوب بيضاء وقرف
والسبب إنه أثناء النتف تنتقل البكتيريا لموجوده في الشعر مع الحلاوه
فذالك قبل النتف أخفف لي كمية من الديتول وأشطف فيها المنطقة عشآن أتأكد من نظافة المكان
وأكيد الكل يعرف وشو الديتول اللي نستخدمه وهو ( المعقم وخاص للعناية
الشخصيه )
وبعدها طبعاً لمقاومة الإسمرار في المرتبة الأولى يجي الحمام المغربي
يعني أحس له الفضل الأول بعد الله في المحافظة على لوني الطبيعي حتى في هالمنطقة
أفتكر فيه بنآت سألوني شلون تستخدمين الحمام المغربي لهالمنطقة..
أتوقع قصدكم من ناحية التدليك .. عآدي جداً جداً
من نآحية الجبهه أو زي ما أسميه ( الطبق الذهبي ) <- وقحة
دلكي عآدي أما المنطقة الداخليه <- مدري شلون أوصفها بس أقصد فيها المنطقة اللي تحت
فأمسك الليفه الخاصة بالصابون عادي من دون ما أدخل يدي فيها وأثنيها على أصبعي وأدلك
فيه طريقة قالتها توليب الله يحفظها عن إبرة تنظيف الوجه وجربتها مره بس يبي
لها مزآج رايق
وانا مو راعية مزاجات <- بس بيرفكت هالطريقة
وهي إنك بالأبره تنظفين المنطقة بالضفط على المسام وتشوفين كيف تطلع الدهون وتحسين بالنظافة
طبعاً قبل أستحم أحط في ماء مغلي مسحوق من مسك الطهارة اللي الكل يستخدمه
ونقطتين من المسك السائل سواء مسك القرشي أو العربيه للعود
طبعاً أنا أحب مسسسك القرشي رغم إن الغالب وخاصتن أمي وأخواتي يفضلون العربيه انا مااحبو
بس أستخدمه كثيرن <- وهو المنسدح الصورة بس الشعار غطى عليه
فبـعد ما أطلع من الشاور يكون صار دافي وتتقبل البشره حرارته وأمسح فيه المنطقة
الكثير يستخدمون المسك الأسود بس انا استخدمه بس مو دائمن ماحبيته من ريحته بس هو الأفضل
وكفاية إنه هوه بالضبط اللي مأخوذ من سنة النبي صلى الله عليه وسلم
فاكره آخر مره رحت القرشي قبل 3 شهور في الريد سي عشان كانو مفتتحين الفرع توهم
فكانو منزلين عليه عرض ( طبعاً التوله بـ1200 ) مسوين خصم بـ700 وربع التوله الظهر بـ300 ومنزلينها
بـ180 ) بس أتوقع خلص هالعرض مااادري
المهم <- يارب مااكون نسيت شيء
عنايتي اليوميه تبدأ من قبل النوم
أستخدم كريم دووف الوردي مع مرهم بتنوفت الوردي اللي هو حق اللسعات
أدهن فيه المنطقة وأنام بدون أندر وير وهالشيء عشآن لازم لازم تهوية المنطقة
وانا مااتحمل أجلس بدون أندر وير وأنا صاحية
بعد ما أصحى أغسل المنطقة بصابونة البابايا ونسيت اصورها بس الكل يعرفها مايحتاج
<- انتبهى تكون الأصليه لكن برضو انتبهي توصل للمنطقة المهبليه لأن الصابون
يقتل البكتيريا النافعه فهالمنطقة ويسبب لك ضرر ( طبعاً الكل يعرف ان هالمنطقة تحتوي على
بكتيريا ضاره وبكتيريا نافعه )
وبعدها أستخدم أي كريم مرطب سواء جليسوليد أو سودو كريم <- حق الاطفال اللي في الصورة
وأنصح الأمهات يعودون البنات عليه من صغرهم خاصة بعد البلوغ لأن بعد ظهور الشعر تسمر المنطقة
فلمن تتعود عليه البنت من صغرها ترتاح من مشاكل الاسمرار اذا كبرت
وعاد بعده استخدم الاندر وير القطني والغالب استخدم شورتات مااحب البكيني والهيك هذي
الغسول اللي أستخدمه هو ليو كريما
أحبه من قلب أحبه .. استخدمت السيباميد وخفت منّه أحسه قوي بالحيل
بس ليو حتى الأخصائيات يمدحونه أكثر شيء
والصورة تحكي لكم
<- طبعاً مو إعلان تجاري كثر ماهو حقيقه واقعيه <- انصحكم فيه هوه وبس
لطيف وريحته حلوه من قلب
وآخر شيء لازم تجفيف المنطقة .. فيه نآس قالوا تجفيف المنطقة بفوطة خاصة ( منشفه )
لكن لا لا ماانصح فيها أبداً لأن إذا ماغسلتيها بعد كل مره تخشين فيها الباث روم وانتِ بكرامه
تاكلين هواء .. فأفضل طريقة للتجفيف هي المناديل
ولكن مو أي مناديل
المناديل العاديه لمن تمسحين فيها قزازه تلاقين النتوشات المتبقيه من المناديل عليها
فما بالك لو مسحتي فيها المنطقة .. فيه كثير يقولون احنا نعتني في المنطقة لكن مع ذلك فيه التهابات
مايدرون ان بواقي المناديل تأذي هالمنطقة .. لذلك إستخدمي المناشف الورقيه
فيه كثير ماركات لكن برضو أغلبها نفس الحركه حتى لو هي قويه بس يبقى منها
لكن اللي حبيتها مناشف كلينكس اللي بالصورة <- اقتصاديه وحلووه
وهذي صورة مقربه
وبعدها نعيماًواستمتعي بمنطقة ناعمة ونظيفة خاليه من الحبوب واثارها او الالتهابات
واخر تحذير أنصح منّه إنتبهو من مراحيض الأماكن العامه
قريبتي قبل فتره جاها شيء مو طبيعي بسببها رغم إنها كانت مضطرة
لكن إذا حسيتي إن وضعك مزري ولابد فحاولي ترفعين رجلينك على المرحاض وتجلسين
بوضعية الجلوس في الحمام العربي
وأخيراً أعتذر إذا شرحت وفصلت بإسهاب وذكرت بعض المصطلحات خاصة آخر سطرين
لكن حآبه أوصل المعلومه للكل لأن فيه البعض يعاني واعذروني ترى ماقريت وش كتبت
لان خلاص تعبت مافيني حيل فاذا شفتو لخبطة نبهوني
(منقول للامانه)
ومشكورة عالمعلومات المفيده
ولكني من مناصري حبيب الشعب
الموس ..