ابا طريقة الخبيصه

مرحبااااا خواتيه

منو اتخبرني وتعلمني طريقه الخبيص الاماراتي مب الخبيص اللي اييلج منثور شرات
طريقة
الاخت (وروده دبي )

لالا ابغي الطريقة الثانيه اللي اتييلج الخبيصه شرات الكريمه جي اتمنى فهمتوا علي بليز ضروووووري

اللي تي كريمه اعتقد تكون عصيده اختي مب خبيصه

ابتســــم ،•••• فـ ربُّـــك مَوجــــود ، و رزقــــك مَكتُــــوب❤ وعُمــــرك مَحــــدُود . ❤ . ! كُــــن جَمِيــــلاً تَـــرى الجَمــــآل حَــــولك دآئِــــماً❤ ❤ …ابْتَســــمْ ,,,❤ , فـ مـــنَ اْلْمُمـــكنْ أنْ يجْـــعَلَ اْلـــلهُ ابْتساْمَتَــــكَ ســــراً لسَعــــاْدَة’ غَيْــــرَكْ

هي العصيدة الي اتيج مثل الكريمه بس تجيله اقرب لشكل العجينة الي تستخدمينها للفطاير

هلا الغاليه شوفي ..اول شي حمري السكر 1كوب وعقب صبي عليه ماي.2 كوب.وخليه يطبخ لين اتروح منه كل الكسر ويصير ماي لونه بني..حطي هيل وزعفران شوي…و2 ملعقه سمن…عقب اخلطي 4 ملاعق طحين رقم 1 فالخلاط..وصبيها فوقه وانتي تخلطين بالملعقه لمشبكه مالت خلط البيض…واذا كان غليظ حطي ماي زياده ولا خلاص بعد 10 دقايق طفي النار وبالهني والعافيه

مرحبا الغاليه هذي الطريقة مالي والصراحه تطع روعه
خذي كوب1ونص سكر
2كوب سميد
4كواب ماي
ملعقه صغيرة زعفران
وفنجان ماي ورد
الطريقة :
جيبي قدر وخلي فيه السكر على نار هاديه ليما يتحمر وبعدين لم يصير لونه ذهبي صبي عليه الماي وخليه يفور ليم يذوب كل السكر وبعد ما يذوب صبي ماي الورد والزعفران عليه السميد وحركيه بسرعه عشان ما يتكتل معج واذا حسيته غليظ ممكن تظيفي عليه شوي ماي وحركيه لمدة 15 دقيقة وبعده بالهناء والعافيه
والسموحه اعرف بتقولي هذي قصة مو طبخه

انا ودي اسويها لو مرة فحياتي
بجربها باجر