ابره الظهر في مستشفى دبي او الوصل . :)

بدش في الموضوع على طول..

بنات منو منكم جربت ابره الظهر في مستشفى دبي او الوصل..؟ واي مستشفى فيهم؟

وأخيرا.. تنصحيني فيها..؟

واللي ترد عليي الله يعطيها كل اللي تتمناه ويجعل عيالها من الذريه الصالحه يا رب..

انا الصراحة ماجربت ولا احب اجرب

مخاطرها اكثر من محاسنها

أختي ربي طبيعي احسن لج والله

المشاركة الأصلية كتبت بواسطة al3emyah

السلام عليكم ورحمة الله وبركاته

انا الصراحة ماجربت ولا احب اجرب

مخاطرها اكثر من محاسنها

أختي ربي طبيعي احسن لج والله

الغاليه لو تعرفين السبب مع اني مول ماحب افكر في الابره ابداااا..

بس انا اول ياهل ربيت فيه قيصري وحملت عقب على طول..
وقالولي احتمال القيصري 50%..

وانا ابا اربي طبيعي واتمنىىىىى والله اربي طبيعي..

واعرف عمري من الويع عادي اقوللهم ابا قيصري ولعى طول بيحولوني..

عسب جي مابا احس بهاك الويع عشان ما اطلب قيصري وخاصه انه مكان العمليه لين الحين ايشد عليي إذا عورني بطني..

ومااااااابا اربي قيصري.. قلت يمكن يوم اخذ ابره الظهر اقدر اتحكم بأعصابي وما اطلب قيصري..

وهالسبب والله..

لان ما اتحس اب شيء وما تقدر اتسو بوش يوم الياهل بيطلع

يعني الياهل لو ماطلع خطر عليه وعلى طول قيصرية طبعا ها حالات نادرة

بس بعد الواحد يتوقع اي شيء

استحملي الويع وان شاء الله اتربين طبيعي بدون قيصرية ولا ابرة

المشاركة الأصلية كتبت بواسطة غلاي إنته

السلام عليكم ورحمه الله وبركاته..

بدش في الموضوع على طول..

بنات منو منكم جربت ابره الظهر في مستشفى دبي او الوصل..؟ واي مستشفى فيهم؟

وشو رايج فيها..؟

ومتى عطوج اياها..؟ يعني كم سانتي مفتوح..؟

وعقب الولاده صارتلج آلام في الظهر او صداع او شي..؟
شو رايج في طاقم التخدير اللي خدروج..؟
وأخيرا.. تنصحيني فيها..؟
واللي ترد عليي الله يعطيها كل اللي تتمناه ويجعل عيالها من الذريه الصالحه يا رب..

انا خذيتها باللحظه الاخيره يعني عانيت كل التعب والالم وبالاخير عطوني اياها اخر شي قبل ما يطلع الراس بدقيقتين و انا ما انصحج فيها لانها لانها تخدر الطفل معاج وبالاخير كله احس عوار بظهري منها وانا خذيت 3 ابر ولا اروم اثني ظهري منها والحين ريلي حالف علي
ما اخذ ولا ابره لاني احس بالموووت من عوار ظهري

المشاركة الأصلية كتبت بواسطة رحلة عذاب

انا خذيتها باللحظه الاخيره يعني عانيت كل التعب والالم وبالاخير عطوني اياها اخر شي قبل ما يطلع الراس بدقيقتين و انا ما انصحج فيها لانها لانها تخدر الطفل معاج وبالاخير كله احس عوار بظهري منها وانا خذيت 3 ابر ولا اروم اثني ظهري منها والحين ريلي حالف علي
ما اخذ ولا ابره لاني احس بالموووت من عوار ظهري

انا هاللي خايفه منه.. عوار الظهر..

بس انتي في اي مستشفى خذتيها..؟

وليش خلوج لين آخر شي..؟ غريبه.. لأنهم ايقولون بالكثير يوم ايكون فاتح 4 سانتي مب اكثر….؟