ابني يعاني من الحبوب ساعدوني

اخواتي ما اعرف اذا وحدة منكن مرت بهالشي
ابني عمره خمس شهور
ومن يوم ربيت وللحين يطلع بجسمه وويهه حساسيه حبوب وتقشير ..ويعاني المسكين من الحكة وما تروح الحبوب ابد
وديته الدكتور وعطاني كريمات زينه مؤقتة يعني تروح هالحبوب يوم ادهنه بالكريم لكن ترد تطلع مرة ثانية
الحين لازمن ادهنه كل يوم ولو يوم نسيت الصباح الاقي الحساسية من اول ويديد بجسمه وويهه
الدكتور يقول انها حساسية ويمكن تروح مع الايام يوم يكبر
وانا والله تعبت ابا حل للموضوع
لو وحدة منكن مرت بالهشي او تعرف حل ياريت تساعدني والي ما تعرف ياريت ترفعلي الموضوع بدعوة حلوة للشفاء
يجزاكن الله كل خير

ما عندي فكره
والله يشفيه يارب

الله يشفيه إن شاءالله

الله يشفيه يارب

حبيبتي عادي تقريبا عيالي كلهم استوا معاهم هالموضوع لاتخافين ولاتحاتين بس لاتسبحين الياهل بشامبو بيبي جونسن وسبحيه بشامبو مال حساسيه وكم يوم وكل شي طبيعي الله بشافي البيبي

بنتي جيه بس كان من نوعيه الاكل اللي اكله اذا كلت مكسرات ورضعتها تتحسس يعني اذا ترضعين ركزي على الاكل يمكن شي معين يتحسس منه

وشرات ما قالت لج اختي جميله الصابون يلعب دور وانصحج بموستيلا

لا تغطينه بصوف ولبسيه ملابس قطنية واحيانا من كثر اللف يعني وايد تدفينه يستحر الياهل ويحبب

واتجنبي الكريمات وخاصه اذا كان فيه كورتيزون لانه جسم الياهل يتعود عليه مب زين انصحج بفازلين حتى تتجنبين الجفاف او ادهنيه بزيت الزيتون الطبي لان الجفاف يكون هو السبب للحبوب ولا تطلعينه بالشمس وانتي محطيه له لان الفازلين يسمر بالشمس

يمكن فيه اكزيما !!!

اسئلي الدكتور اذا ممكن تستعملين زيت الأرجان المغربي يمكن يفيده