بنات انا بصراحه محتاجه لخبراتكم وي السفر و السياحه خصوصا انا من النوع اللي ما عندي خبره بالسياحه الداخليه … يعني مثل ما اتعرفوون الاجازه اليايه الاسبوع الياي طويله من يوم 2 ديسمبر الي 13 ديسمبر … و بصراحه كنت ناويه اسافر برع البلاد بس وي الاضطرابات السياسيه اللي في الهند و بانكوك كنسلت الفكره و خاطري اسير سياحه داخل الدوله.. يعني اللي اتعرف شاليهات في دبي او الشارجة الفجيره وي الاسعار .. تفيدنا بمعلومات عنها لاني سمعت انه شي شاليهات في دبي بس ماعرف بالضبط وين و بعد سمعت عن فندق العقه يقولون حلو ؟؟؟ اللي عندها خبره بالسياحه داخل الدوله تفيدني الله يخليكم
مممممممممم مادري ليش كل الناس تبا تسير بانكوك ؟؟ في وايد اماكن احلى .. تركيا .. رومانيا .. سريلانكا .. ايران .. لبنان .. كلها رخاص و حلوة وايد .. و بارده ..
عالعموم .. انا كنت نفسج ابا اسوي سياحه داخليه .. بس تدرين من شهرين ييت بحجز حق العيد في ميريديان العقه .. قالولي الغرفه ب 5000 جنه و فندق جال بعد نفس الشي .. و فنادق دبي ضوو .. و طبعا لني من الشارجة مابا اسير دبي .. هههههههه نبا نسير شوي بعيد ولا الفجيرة ولا العين.. حق العيد هذا .. قلت عنبوووووووووووه .. بهالجيمه بسكن برع البلاد اسبوع كامل .. و فعلا حجزنا في فندق في لندن من احلى ما يكون .. ب 7000 درهم لأسبوع .. فيعني قررت اسافر ..
طبعا انا ماعرف في السياحة الداخلية .. لنه ما نسير فنادق في البلاد .. وو ماعرف .. فأفضل اطلع برع .. او اني اتم في بيتنا هههههههههه ..
الله يوفقج و تحصلين اسعار مناسبه الحين .. لنه الناس حجزت من شهووور .. و طبعا كله حق الاجانب ..