اجازة الوضع في الجهات الشبه حكومية في ابوظبي

السلام عليكم

سؤالي موجه للاخوات اللي يشتغلن في جهة شبه حكوميه في ابوظبي..سمعت ان من حق الموظفة الحامل في الشهر التاسع طلب اجازه براتب من غير اجازة الوضع 45 يوم لان ممكن اييها الطلق اي وقت و المفروض جهه العمل تعطيها اجازه براتب و يوم تربي تبدأ اجازه الوضع..

يا ريت اللي تشتغل في جهه شبه حكوميه تفيدني اذا هم مطبقين ها القوانين و تفيد باقي العضوات …

تحياتي

يا رب

لا اختي

ممكن تبدأ اجازة الوضع قبل الولادة مثلا اسبوع قبل موعد الولادة و تاخذين 45 يوم فقط
ما في اي دائرة تعطيج اجازة قبل الولادة و عقب الولادة تعطيج اجازة وضع كاملة

ممكن بطريقة ثانية تاخذين اجازة مرضية اسبوع و خلاص ترتاحين انا دوم جي اسوي

يزاج الله خير ما خطرت علي بالي مع ان صدق مافيني حيل و الدكتوره كتبت لي يومين اجازه بخليها تكتب لي اجازه لين ما ربي

مشكوره اختي شما علي وضع قانون الوضع استفدت منه و راح يفيد باقي العضوات..اليوم عندي موعد مع دكتورتي و ان شاء الله تكتب لي اجازه مرضيه لين ما اربي..

الله يسهل علي و علي باقي الخوات يا رب ..

بس انتي تضيعين أجازتج قبل تربين الأفضل تاخذين مرضية أنا جي أسوي تعطيج الدكتورة أسبوع وعقبها تاخذين أسبوع لين ما الله يسهلها ساعات يتأخر الحمل عن موعده أسبوع فبجي تكونين خذيتي من ال 45 يوم