احب القانون ولكن

CENTER]بسم الله الرحمن الرحيم[/CENTER
بنات هاي اول مشاركه لي وابغي نصيحتكن ,وخاصه من البنات اللي تخصصن في القانون دخيلكن خواتي لا تبخلن علي بالنصايح. مشكلتي من و انا صغيره احلم اني ادرس قانون, المهم بس في ناس قالو ان هذا التخصص هب مطلوب في سوق العمل, انا كنت بتسجل في جامعه العين بس حولت على ابوظبي بس ما عرفت شو اتخصص و يوم داومت في الجامعه ما ارتحت و وقفت مع اني قبل لا ادخل صليت استخاره اكثر من مره وهب عارف ليش دخلت جامعه ابوظبي ولا شو التخصص الي بدرسه كنت محتاره ما بين ادب انجليزي و العلاقات عامه و يوم رحت الجامعه سجلت اي كلام عسب يدخلون اسمي في السيستم , انا ما احب التدريس قلت بدرس ميديا ترانزليت كميجر و باخذ اي تخصص ثاني كماينر بس المشكله ان الجامعه طلعت قرار التدريس الاديكيشن و ميديا ترنزليت لازم يدرسونهم مع بعض يعني ما قدر ادرس اي تخصص ثاني وانا شرات ماقلت ما احب التدريس يعني اذا اخذت ادب انجليزي يعني لازم اتخصص التدريس لانه اجباري قلت بشوف تخصص ثاني وفي تخصص ثاني الي هو علاقات عامه ببليك رليشن اند كومنكيشن وقالو انه اوكي ومطلوب وايد في سوق واقدر اشتغل في اي مكان وفي ناس قالو بزنس هيومن ريسورسيز والماركتينج بس انا ضعيفه في الرياضيات بس قالو البيزنس فيه شوي رياضيات وانا وايد احب الحفظ تعبت من التفكير في حامعه ابوظبي و التخصص لان التخصصات الي ذكرتهم بسموجوده في جامعه ابوظبي بينما القانون بس في العين يعني ما ابغي اضيع الوقت والبيزات وانتقل من تخصص لتخصص و من جامعه لجامعه, ابغي منكن تخبرن اللي دارسه قانون صدق ما يبونهم و ابغي معلومات عن بيزنس في الموارد البشريه هيومن ريسورسيز و الماركتينج والعلاقات العامه لاني انا كنت ابغي ادرس عقب انجليزي بس وقفت بسبت التدريس هب عارفه شو اختار الحين فابغي معلومات عن التخصصات الي لونت عليها بالعيناوي و اكيد معلومات عن القانون لان اذا له مستقبل بدرسه , بس ما ابغي ادفع بيزات و عقب ما استفيد من الشهاده واكون ضيعت اربع سنوات , انا ابغي ادرس تخصص اقدر عن طريقه اشتغل في اي مكان و قالو علاقات عامه بس هب عارفه, منو درست التخصصات الي انا ذكرتها و يشرحن لي هالتخصصات ويا ترى حصلن وظائف او لا ولا تنسون انا اخاف من الرياضيات وايد لاني ما افهم فيه شي دخيلكن ساعدني والله يسهل عليكن دنيا واخره.

و الله انا مالي خص في هالسوالف
ولا اعرف لها ^^
بس دخلت ارفع لج الموضوع للفايده

أنا خريجة قانون ..
وأنصحج تدرسيـــــــــــــــــــــن قانون ..دراسة ممتعة ..

وبالعكس مطلووب في سوق العمل..

القانون تخصص حلو و ممتع بس الي أعرفه عنه إنه مب مطلوب في سوق العمل !

بس لو انتي كان طموحج قانون ليش كل هالتعب؟ دخلي قانون و إستمتعي بدراسته و لأنج عندج طموح أكيد بتحصلين

إمتياز فيه و بتتوفقين بالشغل ^^

الي في بالج و طموحج سويــه عسب ترتاحي ,,

أنا مثلج >> خريجة ثانوية عامة بس بسير جامعة الإمارات ^^

ربي يوفقج يااا رب ويريح بالــج ,,

السموحة ..

الغلا انا طالبة قانون

وانصحج فيه

وخاصه انه المرأه احينه بدت تثبت دورها بشكل كبير في

هالمجال ،، عندنا قاضيات و عندنا وكيلات نيابة

استخيري ربج

وحاولي تخططين لمستقبلج شوفي شو الي يناسبج ويناسب طموحج

وتحسين انج بتقدرين انج تعطين فيه وتبدعين في هالمجال

وربي يوفقج

هئ هئ هئ خـآآطري كـآآن ادرس قانون >>~~~~!!!

بس مـآآلله كـآآتب لي

وانـآآ اشجعج الصرـآآآآحه >> وربي يووووفقج ويسهل امورج ..~