كيف الحال خواتي؟
تحسون مرات بالاحساس ان الوقت يمضي بسرعه
يعني تحسون انكم مرات تريدون تنجزون شي بس
مافي متسع من الوقت
يعني مثلا عندي كتاب اريد ادرسه مب بس اقراه
محتاجه اتعمق في المعلومات واراجعها احس مادري
كأنه بياخذ سنه مني ومحتاجه وقت كثير
رغم ان عندي اليوتيوب لو مب فاهمه شي ممكن الاقي من خلاله
سلسلة دروس وامشي الامور
بس هذا الشعور احسه كثير اني ماراح انجز بسرعه وجي
واريد وقت اكثر وراح يداهمني الوقت واريد اخلص بسرعه عشان انتقل للبعده !
مااعرف شو السبب؟
رغم ان الموضوع يهمني ومحتاجه افهمه عشان تخصصي وجي يعني مب قراءه عامه
وانا الحمدلله ماوراي امتحانات ولا شي يعني مخلصه بس محتاجه اراجع اشياء عشان تساعدني خاصة اني قاعده في البيت لي خمس سنوات وناسيه اشياء وايده
مااعرف احس بهذا الشي
ان ماشي وقت واني مب على راحتي(رغم ان النشاط الحمدلله متوفر الحين يعني متحسنه)
رغم ان مافي شغل عندي ولا شي بس نايمه في البيت وماتحرك بعد طبعا قصتي المشهوره ومرضت وجي
بس ليش احس جي؟
اني لازم اخلص بسرعه وان مافي وقت وهذا يحبطني ووقفني عن الي في يدي
هل يمكن لان في اشياء وايده ومب عارفه ابدا شلون!
تنجزينه وشو وراج اعتقد ممكن انه يحل مشكلتج
لانج بتقدرين تيمعين اشيا ممكن انج تخلصينها ف فتره
قصيره وبالتالي بتوفرين وقت للأشيا اللي تليها . .
تنظيم وقت لا اكثر ف ضياع الوقت يعني ضياع العمر . .
قولي حق نفسج لا انا بركز وباخذ وقتي وجي المعلومة بتتشرب عدل
والحمدلله على السلامة ^_^
مشكورات على الردود الحلوة صح
الوقت كسيف ان لم تقطعه قطعك وجي
ومعها حق الاخت ماسه حساسة يمكن وسواس اني مابخلص
بس الواحد لو يخلص كم صفحه والمعلومة في راسه احسن من ملايين المعلومات من دون فهم
( ما اعرف السالفة بس لانج كتبتي كنتي تعبانة )
احب نيك نيمج وااااااااااااااايد
شعاع امل
انتي لابد تكونين كهالنيك نيم كلج امل
قسمي اليوم 24 ساعة
شلي منه وقت النوم و الباقي وزعي على عدة بوكيهات
و شوفي الوقت مب بس كافي بل يزيد و ما تعرفين شو تسوين فيه !
لا تضحكين قلت بوكيهات لان الوقت عندي احب اقسمه عشان الحق اسوي كل اللي ببالي بيوم واحد
عندج مثلا تخصصين 3 ساعات للقراءة و لكن نصيحتي ما تكون متواصلة
بل ساعة الصبح ,, ساعة العصر و ساعة قبل النوم
عشان المعلومة تثبت و ما تطير
انا معاج .. اكون بطيئة و لكن اللي اقراء يثبت بمخي و لا سريعة و انسى كل شئ بنفس السرعة …
و الشئ الثاني يبي ورقة كبيرة ممكن نقول مقوى
اكتبي عليها
انا كلي أمل
انا بامكاني استغل وقتي بالكامل
مثلا في بالج شئ معين
كتبي انا بامكاني اخلص هالشئ بالوقت هذا و متاكدة وقتي بيزيد و انا بكون مخلصتنه
اعطي نفسج امل و فكري ان يومج طويل و عندج وقت تخلصين اشياء كثيرة
و شوفي كيف بتنجزين كل اللي ببالج
انا شخصيا احب اسجل الاشياء المهمة اللي ابغي اخلصهم بيوم واحد
مثلا :
الصبح من الساعة جي الى جي وقتي الخاص اسوي فيه اللي ابغي
الساعة 11 اتصل في امي
الساعة 12 اتجهز للصلاة
الساعة 4و30 موعد العيادة و الى آخره
ما اقول دايما اسوي هالشئ و لكن على الاقل للاشياء المهمة عندي , اسوي او احط ريمايندر بالفون
اتمنى لج التوفيق غاليتي
خخخخخخخخخخخ
اختي انا احاول اركز لي فتره واليوم الحمدلله بذلت مجهود حلو
بس تعرفين مشكلة ان الواحد يسترجع معلومه
مضت!!!!!!!
خاصة التخصص الي درسته كله جديد في جديد وكله رياضيات
وصراحه انا مب ذاك الزود في الرياضيات بس احبه !
عرفتي علي
بس احاول يمكن الله يفرجها علي لو بالقليل