اختبارات ايام التبويض<< للي تبي تحمل >> بس هل ينفع للي تبي تمنع؟!

بدخل فالموضوع علطول

اظني سمعتو عنها او تعرفونها (بس انا ماعرفها خخخخخخ عادي!! معلوماتي في هالسوالف ميييييييييييييييييح!!)

المهم

اليوم وانا اقلب في القنوات بالغلط حطيت على سيتراس تي في (والحمدلله اني حطيت عليها)
كانو حاطين اعلان عن جهاز يكشف ايام التبويض بدقة حق اللي يبون يحملون

ولاني حامل وافكر امنع الحمل لفترة لا بأس بها بس اني خايفة من الحبوب والابر واللولب وهالخرابيط <<<< احم احم قلبت الموضوع في صفي ههههههههه
قلت لييييييييييييش ما ابحث فالنت عن هالجهاز يمكن يفيدني في موضوع منع الحمل بالوسائل الطبيعية يعني

المهم وانا ابحث لقيت لكم هالمعلومات

اجهزة كشف ايام الاباضه في منها نوعين

النوع الاول

يقيس معدل هرمون ال LH في البول
اعتقد ان هالهرمون ترتفع نسبتة في البول اثناء الاباضه!!
المهم انه هذا النوع يكون دقيق جدا ويعطيج وقت الاباضه بدقة بحيث انه لااازم يصير الجماع خلال 24 ساعه عشان يصير حمل
والعبوة تحتوي على من 5 الى 7 اشرطه للفحص
طبعا تحسبين من اول يوم دورة 11 يوم وتبدين تسوين الاختبار لين تطلع النتيجه positive

واعتقد والله يعلم ان سعرها غالي بحدود ال 50 دولار وفووووق وبس حق استخدام واحد

وهذا مثال عليه دشي وشوفي الموقع
https://clearblueeasy.com/DigitalOvulationTestKit.cfm

وطريقة استخدامه نفس طريقة استخدام فحص الحمل المنزلي
اللي حلو فيه انه عملي ودقيق جداا
لكن اللي ماعجبني انه غااالي وايد وحق مرة وحده بس تقريبا يعني اذا تبين حق كل شهر يبالج ميزانية بروحها خخخخخخخخخخ

النوع الثاني

يقيس الاستروجين والملح في اللعاب
هو نفس المجهر تقريبا
تحطين فيه عينه من اللعاب و تنتظرين النتيجه وتطلع لج صوره تبين لج انه الاباضه بتكون خلال الثلاث ايام القادمه

طبعا النوع القبلي ادق … بس هذا انا اشوفه افضل لانج ترومين تستخدمينة اكثر عن مره <<< دائم تقريبا او لمده سنتين
وسعره نفس سعر القبلي تقريبا <<< فوق ال 50 دولار
ومثال عليه (اللي انا شفته في سيتراس تي في … اسمه دونا اوفوليوشن مايكروسكوب)
https://www.accessdiagnostics.co.uk/a…icroscope.html

وهذي انواع ثانيه بعد
https://www.accessdiagnostics.co.uk/a…croscopes.html

هذي المعلومه اللي لقيتها

وسؤالي هو <<<<<<<<<<< هل ينفع استخدم هذا الجهاز (النوع الثاني طبعا) عشان اعرف متى الاباضه بالضبط ومنها اقدر امنع الحمل (يعني مايستوي ……. احم خلال الكم يوم اللي بعدها)!!!!! ولا مب مضمون؟!! يعني لو صار شي قبل ايام الاباضه بس امتنعنا في ايام الاباضه هل في احتمال يصير حمل؟!!!!!!

وهل في احد من الخوات استخدمت شي من هالاجهزة؟؟ عشان تفيدنا من تجربتهاا

وبسسسسس خلصت <<<<<<<<< تعبت ههههههههه

يالله عاد ردوو عليه وافيدوني