هلا خواتي
اختي الصغيره الي هيه اصغر بنت في البيت .. وعمرها 18 سنه وهيه بعدي على طول ..موبايلها دوم صامت او دوم مغلق .. يا اما غير متصل بشبكه .. ومستحيل تخلي مبايلها في مكان وتروح
مثلا في صاله في الحجره ..
واستحاله استحاله حد يقدر يمسك موبايلها … دوم اقولها عطيني موبايلج اشوف المسجات
تقولي ما بعطيج .. اقولها بليزز بس بطرش مسجين تقولي ما بعطيج
حتى يوم تتسبح ما ادري وين تحط موبايلها اقلب الدنيا فوق تحت عشان اطلعه ولا الاقيه
بصراحه انا حاسه انها تكلم حد ..
والمشكله انها اختي الصغيره لو خبرت امي . امي ما بتصدق بتقولي انتي تغارين منها :ي
اذكر مره قلت لامي حطي بالج على بنتج وشوفيها ليش دوم تقعد بالحجره بروحها ..
للعلم اهيه تمسكت قبل جذيه انها ترمس واحد .. واهلي يوم عرفوا خذو عنها الموبايل اكثر عن سنه .. والحين ابوي رد وشترى لها موبايل .. اونه ابوي قعد يقولها ها حذاري تلعبي من ورنا مني ولا مناك .. بس جذيه لكن انه يراقبها لا .. ويوم يكلمها بعد يكلمها بهدوء خايفين لا اخوي العود يعرف لانه لو عرف ما ندري شو بيصير
ويوم اقول لامي خلي بالج من بنتج تقولي انا واثقه منها ما تسوي شي مره ثانيه من عقب الي سوته المره الاولى ..
وخبرت اختيه العوده عن الموضوع قالتلي انها ملاحظه هذا الشي بس ما تعرف باي طريقه تخبر امي .. وللعلم يوم حد يرمسها بشي تقعد تحلف انها ما تسوي شي
وامي وابوي يصدقونها .. المشكله انهم يتحروني ما احبها او اني اغار منها ..
عشان اهيه اصغر عني .. بس انا مب صغيره عشان اغار
قلت اوكي
اممم شوفيها يوم بتكون فعز نومها سيري وجيكي خخخ
ولو هي ترقد في حجره روحها سيري رقدي وياها ع اساس انه
مكيفج خربان ولا شفتي شي فالحجره ومارمتي ترقدين روحج
ولو عرفتي شي كلميها وانصحيها اشوي اشوي مب اي شي يستوي اتخبرين امج وابوج مب دايما يعرفون يتصرفون صح فهالمواقف
وبعد انتي لا اتحطين في ذمتج يمكن هي طبعها جي ما اتحب حد يمسك تلفونها
اهم شي تتقربين من اختج
يمكن هيه ما تسوي هالشي بس بعد الحذر واجب … يمكن هيه توها في بدايه المشكله لازم حد يطلعها م هالمشكله قبل لا تغرق في هالعالم الوصخ …
المشاركة الأصلية كتبت بواسطة rozee 
اممم شوفيها يوم بتكون فعز نومها سيري وجيكي خخخ
ولو هي ترقد في حجره روحها سيري رقدي وياها ع اساس انه
مكيفج خربان ولا شفتي شي فالحجره ومارمتي ترقدين روحج
خخخخخخخخ
ذكرتيني بسالفه .. من كم اسبوع سرت انام عندها وشاله لحافي ودوشج ..
ودخلت غرفتها واقولها امس حلمت حلم يخوف خليني انام عندج اليوم ..
لا وبعد بقولها بنام على الارض ما برقد عشبريه ..
وما اشوفها الا عيونها شويه صفرت وفجاه حمرت ولا قالتلي كلمه واحده
شلتني من كراعي وفرتني في الممر وفراشي ورايا .. وكل البيت نش من راقده
شو اقولج استحاله اساسا حد يقدر يدش غرفتها .. تقوليلي رقدي عندها
عطوني خطه قويه بس اريد امسك رقم من موبايلها واشوف منو ترمس .@
المشاركة الأصلية كتبت بواسطة basko0ota ولو عرفتي شي كلميها وانصحيها اشوي اشوي مب اي شي يستوي اتخبرين امج وابوج مب دايما يعرفون يتصرفون صح فهالمواقف
وبعد انتي لا اتحطين في ذمتج يمكن هي طبعها جي ما اتحب حد يمسك تلفونها
اهم شي تتقربين من اختج
اختيه احنا وثقنا فيها مره وسلمناها كل شي .. ويوم ابوي سلمها الموبايل الثاني كانت عادي موبايلها اشوفها .. بس من بعدها خلاص ما عدت اشوفها .. وبعدين لازم يبالها مراقبه .. وبعدين كيف انصحها والله ما طيقني .. لو نصحتها بتذبحني
المشاركة الأصلية كتبت بواسطة عمري زايد يمكن هيه ما تسوي هالشي بس بعد الحذر واجب … يمكن هيه توها في بدايه المشكله لازم حد يطلعها م هالمشكله قبل لا تغرق في هالعالم الوصخ …
هلا اختيه
المشكله انها كتومه وغامظه جدا .. وفعلا الشباب هنيه ما ترحم .. وحرام اهيه صغيره
كل افكر فيها بس ما وصلت لحل 
المشكله تتحراني اني اكرهها .. وانا ما اكرهها