اختي ما تزوجت بعدها

السلام عليكم

خواتي انا اكتب هالموضوع لاني صدق محتارة

عندي اخت عمرها 29 و بعدها ما تزوجت طبعا كله نصيب ما اختلف معاكم بس انا وايد احاتيها و احاتي عمري لاني بعدني ما تزوجت بس اقول معليه بعدني يدامي فرص و هي اللي صدق انا شايله همها هي جميلة و طيبة و تشتغل و متعلمه و صدق ما فيها شي ينعاب و اهلي ناس طيبين و وضعنا ولله الحمد ممتاز و نحن كلنا متعلمين و اخواني ما شاء الله عليهم ريياييل و النعم و كل واحد فيهم له مكانه بس ما عندنا اهل و امي مب وايد اجتماعيه يعني ما تروح وايد اعراس و هي والله طيبه وايد بس ما اعرف ليش يا خواتي و انا كاتبه هالموضوع واباكم تسامحوني ع جرأتي بس انا فعلا حابه لاختي تتزوج فاذا حد منكم يعرف ولد حلال زين وضعه زين متعلم يدور عن بنت الحلال ،،

انا اتمنى منكم تساعدوني لاني ابا لها الستر و الراحة و ان شاء الله الذرية الصالحة

يا رب يرزق أختج بالرجل الصالح..
هي لازم تسعى لهذا الشي بالدعاء وقراءة سورة البقرة بنية الزواج..
ما راح تظل شهرين إلا وهي مع زوجها..
هذا الشي صار مع اختي ووحدة معاي في الدوام بعد نصحتها..

الوحدة إذا تأخرت بالزواج عليها ما تنتظر أكثر وتيأس.. لازم تطلب من ربها وهو كفيلها..

الله يرزقها بالزوج الصالح لي يراعي ربه فيها وانتي بعد الله يسهل عليج

الله يرزقها يا رب. لا تخافين عليها كل واحد ياخذ نصيبه و كل تأخيره فيها خيره ان شالله. و ترى هي مب اكبر من غيرها ان شالله بتاخذ نصيبها قريب.

الله يسمع منج يا رب و ان شاء الله راح اقولها تقرا سورة البقرة بنية الزواج و يا رب

امين يارب الله يسمع منج مشكورة اختي

امين يا رب ،، العمر يمشي يا اختي و اشوف كل اللي في عمرها اتزوجوا و هي حتى لو ما اعترفت انا متاكدة انه هالشي ياث على نفسيتها لانه اي بنت تتمنى الزوج الصالح و الاستقرار ،، الله يرزقها و يرزق كل بنت ما تزوجت يا رب

الله يرزقها بزوج صالح

زين جربي خطابه في وايد جادات

وجي بتحصل ان شاءالله المناسب