الى كل ام اواخت واعيه كيف تخلي ابنائك او اخوانك الصغار يحبون بعض انا احب احط تجربتي ان امي الله يخليها لي ولي اخواني يارب كانت اذا تهاوشنا او غلطنا على بعض تقول هاي اختك مو حيالله احد من الناس واذا احتاج احد لثاني وماساعده تزعل وتحسسنا ان الي عملناه كبير وتقول وش بتقول لربك يوم يسالك ليش ماساعدت اخوك والحين انا واخواني قلوبنا على بعض وايد لدرجة لودقيت على اخوي وهو في عز الشغله يرد يقولي امري وانا لو ملخومه بلمحاضرات افوت كل شيء بدنيا ماعدى شيء يخص اخواني واخر موقف خربت سيارتي وعندي امتحان ياني اخوي واعطاني اليسن رغم انه كان يمديه يوصلني ويروح دوامه بس قال اخاف تخلصين امتحانك وانا ماخلصت دوام وشهوله تنتظري الله يسعدك يالغاليه ربيتينا صغار وقطفنا الثمره كبار يالله كل اخت او ام تقول طريقه تخلي الاخوان يحبون بعض لاخر العمر ليستفيد الامهات اليدد ونقضي على ظاهرت قطع الارحام الي نسمع قصص تشيب الراس لدرجة شفنا اولاد اخوان مايعرفون بعض
الله يخلي لي اخواني ولا يحرمني منهم دنيا واخره يالله نتعلم من اخلاقيات بعض ويستفيد الي بيكون عائله جديده فالاخوه بدنيا والحياه بدون حب وتقدير اقرب الناس ماتسوى وتاكدو التربيه في الصغر فقط
منــــــقول للإفـــــــــــاده ..
من أهم الأمور التي يجب على الأم الإنتباه لها العدل بين الأبناء
وان كانت تميل لأحدهم دون الآخر
فعليها انتعدل في العطايا والقبل وكل شئ حتى يبقى مكنون القلب في القلب لا أحد يعلم به
فبعدل الوالدين بين أبنائهم يجعلونهم في بيئه مستقره ولا تشتعل
الغيرة في قلوبهم …
مشكوورة
وان شاء الله بعدل بين عيالي وبعلمهم يحبون و يخافون ع بعض ف الفيوتشر^^
الله يقويينا و يعطينا طولة البال في تربية عيالنا ^_^
مشكووورة عالموضوع الحلو
لا إله إلا الله ..
للــــــــــــــــــــــرفع للإفـــــــــــــاده
والله يرزقج الجنه
لأنه أكثر شي بينهم وخاصة لو كانوا صغار المنافسة وتوصل للهواشة
مين ياخذ الحلاوة قبل ؟ مين يدخل الحمام قبل ؟ مين يركب السيارة قبل ؟؟ وووووو