ارجو الدخووول للأهميه ابغي اسامي امارتيه

السلام عليكم ورحمة الله وبركاته

اشحالكن بنات ان شاء الله بخير

طلبتكن طلبه لاترديني فيها

أنا حامل في شهري الاخير الله يسهل علي وعلى كل حامل

ابي منكن انتن الامارتيات اسامي بنات واولاد

للعلم عندي بنتين وولدين

ميثاء وشيماء وخليفه وخالد..

والحين محتاره شو بسمي الياي .. للحين مالقيت اسم يناسب مع اسامي بناتي وعيالي

اللي عندها آمانه ماتقصر..

اتريا منكن الرد

الله يسهل عليج ويقومج بالسلامه ان شاء الله …
كنت بقولج اذا بنت سميها ميثة – على اسم بنتي – بس طلعتي سابقتني بالاسم …
خليني افكر لج باسامي حلوة ..

للبنات :
عنود
خلود
ميرة
نورة

للاولاد:
زايد
محمد
عبدالله
راشد

……
ينفعون ولا؟

ان شاء الله يسهل عليج يا الغالية.وتييبي البنت ولا الولد الي يكون ليج بار بالدنيا والاخرة.
واذا تبي اسماء لبنت أنصحج تسميها اليازي لان معناه البنت الشديدة الجمال وان شاء تكون بنتج حلوه وجميلة على اسمها،وبعطيج اسم ثاني وهو:ميازي .
اسماء اللاولاد:
مايد،منصور،عبدالعزيز،مهير،مهند

الأسامي المفضله عندي:
البنات:
سلامه
مهره
غايه
ريم
ميثاء
عفراء(فديتها ماماتي)

الأولاد:
محمد (فديت حمودي ولدي- بوجاسم)
حمد (كنت وايد أحب أسم حمد لين ماسمت أختي ولدها حمد)
سيف
ماجد

وفيه وايد أسامي ثانيه مثل: علياء- موضي- شيخه- سلمى – مريم – حمده – منى- مزنه – مزون….
خالد- فهد – علي ………..

أتمنى أني فدتك….ومبروك مقدما

zoomyat يزاج الله خير يالغاليه ماقصرتي

دبلوماسية يزاج الله خير يالغاليه ماقصرتي

susu يزاج الله خير يالغاليه ماقصرتي

مشكوراااات عاد الحين يالسه افكر شو بختار كلهم حلوين

بختار جم اسم وقولو لي رايكن

يعطيكن العافيه

إذا بنــــــت
سميها عفراء لأن على وزن ميثاء وشيماء (( كلهن ينتهن بهمزة))

وإذا ولـــــد
سميه زايد لأنه على وزن خالد ولأنه اسم ابونا الغالي ((زايــــــد)) رحمة الله عليه والاسم ها وااااااااايد شيوخي مثل اسم خليفة..

والله ييسر عليج ويسهل ولادتج ويقر عيونج بشوفة مولودج بصحة وعافية..

اسامي البنات وايده مثل حصه – مديه – اليازيه – مزنه – خلود-
اما الاولاد سمي زااااااااااااااااااااااااااااااااايد اسم شيوخي الله يرحم ابونا زايد