اريد ان التزم بتعاليم الاسلام اكثر/ تم تعديل العنوان

خواتي الاعزاء. . .

بصراحه واااايد اترددت قبل ان اكتبلكم.. بس الواحد يوم الله هداه والحمدالله يفتح له باب يديد ويسعى الى الخير..

بصراحه انا انسانه والحمدالله اصلي واذكر الله لكن لست ملتزمه يعني متحجبه والحمدالله بس مرات اسمع اغاني اطالع افلام ف السينما.. لكن بصراااحه ابا ادين عندي الاراده لكن ماعندي الصحبه الطيبه اللي تساعدني و اساعدها, ادلني على الخير و تنصحني و انصحها.. بصراحه اهلي هب مدينيين واسأل الله الهدايه لهم ولجميع المسلميييين يااااارب..

ماادري كيف ابدى و من وين ابدى بالعكس انا مستعده اسوي اي شي لوجه الله… ابا صديقه الخير صديقه ف هالدنيا لاني احتاج تشجيع والحمدالله ريلي يشجعني وامي بس بعد الصديقه غير انتوو فاهميني حبوووباااات
والحمدالله عندي صديقات بس الله يهديهم ان شالله

عسى الله ينور صدر كل وحده ويثبت دينها و يهدينا اجمعين

والسمووحه الغاليات ع الاطاله وانتظر الرد الطيب ان شالله

الله يثبتج ع طاعته عليج بالدعاء والاستغفار
والصديقه الي ما تعينج ع الخير خليها والله راح يعوظج بدال الوحده عشر
الله يهدي الكل

تسلمووون حبوووباااات ع الرد الطيب ^^