استفسار عن الاحلام بليز ادخلن

السلام عليكم

بنات بغيت اسأل هل الاحلام كلها تتحقق؟ ولو شخص حلم حلم تفسيره طلع مب زين هل ممكن يتحقق ..؟ وشو المفروض يسوي اذا طلع تفسير الحلم مب زين؟

up up up up up

هلا اختي ::

الاحلام تنقسم الى 3 اقسام …

حلم يكون من عند رب العالمين ويكون فيه دعاء ، ايات ، اسماء الله الحسنى ، الرسول صلى الله عليه وسلم ، الصحابة ، امهات المؤمنين ، قراءن … الخ

حلم من نفسج ، يعني انتي قبل ماترقدين تفكرين بشي معين وسبحان الله تحلمينة .. وهذا حلم يكون داخلي .. ويوم تفسيرينه يقولون لج هذا حلم داخلي ونتي كنتي تفكرين فية

الحلم الاخير هو من شيطان .. ويكون حلم طوووووويل .. مملل ……. قصة طويله جنه فيلم .. او بالاصح مسلسل .. غير مترابط .. وقد يكون قصير .. لكنه من شيطان

هذا اللي اعرفة …

^.^

هي صح .. وموب كل الاحلام صحيحة

يعني الحلم يكون نتي ذاتج

اذا نتي صادقة وماتجذبين .. فيكون الحلم صادق

اذا كنتي جذابة (سوري بس للتوضيح) يكون الحلم جذاب ومايتحقق حتى لو كان حلووو وجميل الحلم وقالوا تفسيرية حلو

هذا للتوضيح …

كان النَّبِيَّ صَلَّى اللَّهُ عَلَيْهِ وَسَلَّمَ يَقُولُ : الرُّؤْيَا الْحَسَنَةُ مِنْ اللَّهِ ، فَإِذَا رَأَى أَحَدُكُمْ مَا يُحِبُّ فَلَا يُحَدِّثْ بِهِ إِلَّا مَنْ يُحِبُّ ، وَإِذَا رَأَى مَا يَكْرَهُ فَلْيَتَعَوَّذْ بِاللَّهِ مِنْ شَرِّهَا وَمِنْ شَرِّ الشَّيْطَانِ ، وَلْيَتْفِلْ ثَلَاثًا ، وَلَا يُحَدِّثْ بِهَا أَحَدًا فَإِنَّهَا لَنْ تَضُرَّهُ . ( البخاري 7044 ).

انسي الحلم ولا تطرينه عند حد .. مثل ما ورد في الحديث "…..وَلَا يُحَدِّثْ بِهَا أَحَدًا فَإِنَّهَا لَنْ تَضُرَّهُ"

واذا صار وحلمتي حلم مب زين مره 2 .. تعوّذي من الشيطان وغيري رقدتج ( يعني لو كنتي عاليسار رقدي عاليمين ) و"….وَلْيَتْفِلْ ثَلَاثًا"

ولاتنسين انج تدعين قبل لا ترقدين " اللهم ارزقني رؤيا صالحه , مبشّره غير منفّره , صادقه غير كاذبه "

الله يبعد عنكم كل مكروه ان شاء الله

وانسي الحلم ولا تتركين للشيطان مجال انه يوسوس لج ..

هوه المفروض الحلم المب زين ما تفسرينه
في قول مأثور او حديث شريف يقول بما معناه ان
الاحلام معلقه في ارجل الطير متى ما فسرت وقعت

فيه واحد مفسر قال انه ناس ايوونه يقولوله حلمت من سبع سنين كذا وكذا وهوه يفسر الرؤيا وتتحقق بعج يوم او يومين،،،، وهذا ممكنن يدل ع صحه القول اللي فوق

بس مب كل الاحلام ممكن اتحقق حتى لو اتفسرت او ما تفسرت،،،، لازم تكون رؤيا مب حلم من الشيطان و حديث النفس،،، وتكون قصيرة وواضحه وتذكرينها عقب ما تنشين من النوم
والشي الاهم،،، الرؤيا اللي تتحقق مرتبطه صدق الرائي،،، فاذا كان انسان صادق ممكن تتحقق احلامه

ماعرف شو مفروض تسوين اذا شفتي حلم مب زين،،، بس اللي اعرفه انه الواحد ينجلب وينام ع الجانب الاخر وينفخ عن يساره

انتي استغفري وواظبي على الاذكار وربي يبعد عنج الشر

سبحان الله وبحمده