استفسار عن المدرسة الثانوية العسكرية بالعين!!؟؟

أبغي استفسر عن المدرسة الثانوية العسكرية اللي بالعين ؟؟

ولدي يبا يدرس هناك .. والله محتارة!!

حد عنده فكرة عن هاي المدرسة؟؟

قريت المعلومات عن المدرسة في موقعهم في النت .. بس أبغي تجارب اللي درسوا هناك .. مرتاحين ؟؟ ولا ندمانين؟؟

ولدي بعده صغير من مواليد 1997 بيخلص الصف الثامن هاي السنة.. وهاي المدرسة يبدون من الصف التاسع ..

نحن من الامارات الشمالية .. يعني المفروض بيطلع ولدي من يوم السبت لين الخميس يرد البيت .. أخاف يمل .. ومايهون علي ماأشوفه طول الأسبوع ..

أبغي أسأل هل الدراسة فيها وايد أوكي ولا عادي مايستاهل؟؟ وهل شهادتهم قوية وايد؟؟ أقوى من المدارس الحكومية العادية؟؟ أدري أنهم يدرّسونهم منهج الشويفات ..

شوية معلومات عن المدرسة..من موقعهم:

***

سوري مااعرف أصغر الصورة ..

مشكووووووووووورة فديتج على الرفع .. ياريت حد يصغر الصورة عشان شكل الصفحة

شكرن يا غاليه

ثي34سي32

حبيت اعرف الاجازه كم يوووم