امهات المستقبل
مادري لو سمعتوا عن هالشاي ولا لأ..
لاني عملت بحث مع ربيعتي (هي حامل بشهرها السادس) في المواقع الاجنبية ولقيت ان لهالشاي شهرة مو طبيعية بين الحريم الحمل
ولما ربيعتي سألت دكتورتها قالت لها نحن ما ننصح به ولا نشوف انه له علاقة بتسريع الحمل لان الاجانب يسوون اشيا ثانية تساعدهم على تسهيل عملية الولادة
عاد قلنا انا وهي خلينا ندور ونشوف
واتخيلوا سوينا بحث وقرينا وقرينا لين ما هلكنا.. وقرينا في مواقع بعد موثوق منها
واكتشفنا شي.. من تجربة وحده تقول.. انها كانت تشرب كوب واحد من هالشاي يوميا.. على اول حمل لها.. ولما يا وقت الولادة.. مر الولادة بشكل طبيعي مع الالام وكل شي ونفس اوقات الانتظار.. زعلت وحز في خاطرها ان النصيحة اللي عطتها ياه امها ما مشى وياها
لكن امها راحت يابت لها كتاب عن هالشاي.. وقعدت تقراه.. واكتشفت اشيا هي ما كانت تعرف عنه وقالت لنفسها. بجربه وبشوف شو بيسوي معاي
طبعا هي يوميا كانت تاخذ ملعقة شاي من الشاي الاحمر وتحطه في كوب من الماي المغلي وتخليه ربع ساعه في الكوب وعقب تشربه.. يوميا
لكنها اكتشفت ان المفروض في وقت المخاض (الطلق) انها تشرب الشاي بهالطريقة : اونصة من الشاي (25 جرام) في 600 مل من الماي المغلي.. وتتركينه على النار مدة نص ساعة.. وتحطينه في الدلة وتاخذينه معاج المستشفى
يقولج كذا وحده سوت هالحركة اول ما توصل المستشفى.. ما يمر ساعة الا وهي ولدت (ربت)
يعني كذا مقال قريناه وبتلقونه اذا سويتوا بحث في جووجل … قصص تخليج تندهشين
عاد ربيعتي ان شالله قالت بتجرب.. بما ان للحين محد قالها انه خطر..لان فيه عناصر واااااااااااااااااااايد زينة للحرمة…
فقالت بتشرب منه يوميا لين موعد الولادة
بس ينصحون به تاخذينه من عقب الاسبوع ال16 وبعضهم يقولون بعد ال20 وتختلف الاراء
بس كلهم ينصحون ان بداية الترايمستر الثالث.. يعني بداية الشهر السادس تاخذينه
فحبيت اعرف لو وحده جربت هالشاي؟؟ ومن وين اقدر احصله؟؟
لان ربيعتي لقت هالنوع
فشو رايكم انتوا؟؟ منو جربته يا ليت لو تفيدنا… وعلى فكرة تراهم يقولون ان القابلة (الداية) ما تنصح به في ايام الحمل لانها تشوف انه يسهل الولادة.. فتتحراه يساعد ع الاجهاض
لكن الحقيقة العلمية تقول لو اخذتي كمية ملعقة وحده في كوب واحد يوميا.. هالشي ما يأثر بالعكس يقلل نسبة الاجهاض ويساعدج باذن الله انج تمرين حملج في سلام 
وفي ناس وقف عندهم الوحام.. قصدي اللوعة وغيرها…
وان شالله اذا ربيعتي جربت بنزل لكم في نفس الموضوع عن تجربتها وشو حست وشو ما حست
بس حبيت افيدكم.. وحبيت اسمع اراء اللي جربوه (اذا فيه)
وحبيت اعرف وين يبيعونه؟؟؟ انا قلت لربيعتي تروح الجمعية يمكن تلاقي لانها سألت في الصيدليات وما لقت
والمستشفى ما استنكرت هالشي بس قالوا اونه يمكن سبب تيسير ولادتهم شي ثاني مو شرط الشاي..
الله اعلم.. ان شالله حد مجرب ايي ايخبرنا..
والله زين لو هالشاي يسوي هالسوايا الحلوة..
اذا قريت عنه شي مو زين بخبركم ان شالله… ولا تجربونه وتقولون انا قلت لكم؟؟؟ مافيني.. استشيروا دكتورة نسا وولادة.. بس ربيعتي لانها سألت دكتورتها فبتجربه ان شالله
بس كنت حابة اعرف لو عنده شهرة كبيرة بين نساء العرب شرات ما هو مشهوووور بين الاجانب