بدخل عليكم على طول و بدون مقدمات و بخبركم عن قصه ربيعتي اللي حبت شخص 4 سنوات و اكثر و هالشخص كان اخو نسيبها و كان من اهلها و يدخل بيتهم و هي تدخل بيتهم و علاقتهم كانت من بعيد لبعيد و كانوا يدرسون في نفس الجامعه و البنيه هاي الله يشهد على اخلاقها و جمالها و مافي حد من اهلها ماخطبها و هي رفضت عشانه لان كل ماحد كان يتقدم لها كان يقول لها ما بتحصلين حد يحبج كثري و في السنه الثالثه من حبهم اخت الولد كلمت البنيه و قالتلها ان هو يحبج و يباج ع سنة الله و رسوله و ان شاءالله اول ما تخلصون الدراسه بني و نخطبج ة هالموضوع تسكر و محد تكلم فيه لين ما قبل تخلص الدراسه خطبها واااحد من اهلهم و يستوي ربيعه و هو عرف بالموضوع و كلم اهله و المهم محد يعرف شو صار بينهم في البيت جان يطرشون اخوهم اللي هو نسيب البنيه ان يكلمهم و يقولهم ان البنيه حق هالولد و قال لهم اذا توثقون فيني و في كلامي و لا لازم اهلي ايون و يتكلمون ام البنيه و ابوها قالو لا نحن نوثق فيك و مب لازم اهلك عقب بنتفاهم ع كل شي ما بينا هالكلام و خلاص تسكر الموضوع اهل البنيه حطوا فبالهم ان في يوم من الايام حد من اهل الولد بيلمح للموضوع و لا بيتكلم بس اتخيلوا تموا 6 شهور و لا حد من صوبهم يتكلم و لا يلمح و لا شي و كل ما ولدهم كان يقول متى بتخطبون رسمي و انا مابا الحجز و جي كانوا يقولون اتريا لين يوم من الايام دخل ع بنت نسيبها و قال لها جوفي يا بنت الناس انا حلمت انكم ماتناسبون بعض و انتي حياتج بتسود اذا خذتيه و من هالكلام البنت قالت انا بصلي استخاره و بخبرك بس انت لاتقول حق حد عن حلمك و راح كلم اخوه و قاله نفس الكلام و هو رد عليه نفس الكلام لاتخبر حد و تموا يصلون استخاره و كانوا مرتاحين و متفاهمين في كل شي طبعا هذاك ما وقف راح و خبر ام البنت و هي قالت القرار راجعلهم هم اذا بيعيشون و يا بعض لان هم عايشين الحقيقه و ما يستوي نخرب حياتهم عشان الحلم و تسكر الموضوع لين ما اتخرجوا و الولد كلم امه في الموضوع و ردت عليه اقولك هاك الصوب مافي نصيب يعني مافي نصيب و لا تفكر في هاك الصوب و هو ودرها و قال لها اسمحيلي مافي نصيب يعني مافي نصيب امي قالت جي و البنيه و اهلها ما نطقوا بكلمه و لا قالولهم شي و لهاليوم لا البنيه عرست و لا الولد و يزورون بعض و كل شي بس البنت من داخلها تنكسر الف مره فاليوم و كل ما ترقد و تنش بس تقول حسبي الله و نعم الوكيل الام اذا ما كانت راضيه ليش خلت القلوب تتعلق ببعض و عقب قالت مافي نصيب ليش النصيب هي كلمه و انا افرها اي وقت ما ابا و اي مكان ما ابا ، اللي ابا منكم خواتي اعطوا اقتراحاتكم و ارائكم و قولوا كيف و شو تسوي البنت عشان تنسى و قولوا اذا كان الغلط منها و لا عليها و سوري اذا طولت عليكم
وتشغل نفسها بنفسها وظيفة دراسه إلخ
ونصيبها محفوظ محد ياخذ رزق غيره
خليها ترقي نفسها يمكن حد عطاهم بعين ولا حسدهم يوم دروا بسالفه الحجز لي بينهم ولا سحرهم ها الامور اليوم فايشه ببلاش..
الله يجمع بينهم بالحلال لو كانوا خيره لبعض..
مادري ليش تذكرتي عمري قبل ما اتزوج … 
كانت مجرد خطبة مب رسمية يعني توه ما صار شي و ان شاء الله الله بيرزقها احسن منه
اللوم طبعا عالاثنين لانه المفروض ما يكون فيه علاقة قبل الزواج
احنا الحمد لله مسلمين و نعرف الصح من الغلط و الحلال من الحرام
اكيد الله اراد لها خير في هذا البعد
و ان شاء الله تلاقي السعادة مع واحد ثاني بعد الزواج و البنت الذكية تختار اللي يتقدم لها و يحبها و شاريها ما تاخذ اللي باعها و تقوم تركض وراه و اذا كانت امه مب موافقة تنساه للابد لان دور الام في الحياة الزوجية مهم و تجنبا للمشاكل تبتعد
اهم شي تكون راضية بالقضاء و القدر
و تحاول تنسى
يمكن خير لها ويمكن رب العالمين مب رايد لهالزواج ,,,
الريال لو صدق هدفه الزواج ومتحمس كان قبل هالاربع سنوات خطبها او فتح الموضوع وبيكون الموضوع واضح من البداية
لكن الولد كل محد خطبهاا كرر نفس الكلام مابتحصلين واحد يحبج نفسي ,,, نحن بزمن الأفعال توضح قبل الكلام
لان كثر الكلام ماينفع والا فعال غير واضحة .
هي استخارت ولو كان في زواجهم خير كان تيسرت الامور ولانت القلوب وصار الزواج
بس الولد شكله صغير واكيد بيسمع كلام امه في النهاية
والله صدقيني لايي يوم وتندم ام الولد انها فرطت في البنت
بس بعد ماتزوج ولدها
وااايد شفت جذي حولي
سبحان الله حتى لو الولد زين يمكن لو خذاه تعيش بجحيم بسبة امه ماتعلمين الغيب
هي استخارت وهذا اللي صار
واللي تقدمولها قبل مالها هي نصيب معاهم فلا تندم عليهم ولا ترد السبب على الولد
كله نصيب
الله يرزقها الزوج الصالح المناسب ولد الحلال اللي يسعدها وتسعده