انا درست في مجال البزنس طبعا لان كان الخيار الوحيد المفتوح جدامي 
وجبرت نفسي على تكلمة هالمسار رغم الصعوبات الي واجهتني واجهتها بروحي..
يعني كنت ماعرف اعبر عن مشاكلي ووو ارص على عمري بالمذاكرة
حتى اييب نتيجة مع اني شاطرة بس مجالي صعب ويباله تركيز
بس انا صدقوني اكره الارقام والحسابات يعني لما اشوف ارقام
اكره شي عندي انسخه رقم.. رقم… واحطه في الشاشة او الالة الحاسبة..
اييني مثل الدوخة او الصداع 
وطبعا ما اشتغلت لان المجال الي بدخله في البنوك وانا ابي اشتغل بس ماروم
ماعندي الرغبببة …
حابة افضفض ……
معليش اختي شر البلية مايضحك ماقصدي شي
انا نفس مشكلتك والله
درست اي تي او نظم معلومات حاسب الي بس مب غصب عني بس انا ساعتها حبيت الموضوع عشان جديد وقلت خليني ادخلة وبيني وبينك كل ربيعاتي دخلنه تقريبا قلت حشر مع الناس عيد
بس في منهن يحبنه وشاطرات في الارقام
انا مب اكره الارقام بس تدخل في بعضه يعني لازم اقسم الرقم عشان احفظه وعشان ادخله
احب اشتغل في بنوك وجي بس اخاف اخرب في الحسابات وجي واخرها اروح اشغال شاقه
تخيلوا يوم كنت اشتغل غلط في رقم حساب مدير المكتب راح تحول حسابه لواحد باكستاني لووووول
انمسح في الارض يومها بس الحمدلله عن طريق التلفون لان المسؤول كان برع العين
اختي في اشغال برع الارقام حتى اتصور في البنوك في عندهم اشياء مافيها ارقام
ههههههههه ضحكني ردج صح كيف عرفتي اكتئب من الشغل من يلست بالبيت
بس متحسفة على درجتي وهالمجال بالضبط يتعبني لاني اكره الارقام احس اني ما توفقت في رسم حياتي
شو اسوي احب الاشياء الي تخص البنات مثل الاعمال اليدوية والفن اما الارقام مادري كيف اكرههااااا
محتارة في حالتي اهىء اهىء
هههههههههه ماعلي اختي خذي راحتج
الاي تي وما ادراك ما الاي تي اسفة بس اكررررررره اكثر عن الحسابات لان برمجة وكمبيوتر وعوار راس
بس عطيتيني فكرة واشكرج عليها وهي تقسيم الرقم… هاي ما يت على بالي
صح انا بعد كنت متخوفة والله انا ادرس واكتب اي شي في الورقة بس لو حزة الصدق كيف بدخل راقام بيزات بحساب الناس شغلة تخوف الصراحة وها الشي الي بعد تم مخوووفني المسؤولية وانا مب قدها….. بس حرام ليش يواجعونج يعني هالشي مرات يصير ويتصلح
قفزة كبيرة بين عالم الدراسة والشغل ماعرف والله….
مشكورين تساعدوني بكلامكم…
خلي الكسل عنج يمكن لانج ما حبيتي التخصص كرهتي الارقام وبعدين مب شرط تشتغلين بنفس مجال تخصصج باب الادارة مفتوح وايد وتقدرين تدخلين اي مجال تحبينه
موفقه
اشتهيتكم تاكلون وياي قاعدة اطالع ارقام السيارات من وراء فيه مميز ممكن تحفظينه وفيها رقم يباله هندي يحفظة
لانهم شاطرين بالحسابات مادري كيف وليش؟؟
فكنت افكر بصورة يمكن تفيد يعني تخيلي الرقم كرسمة لا تتخيلينه كرقم
عرفتي علي شوفي جماليات الشكل فيه يعني مثل الرقم اثنين تشوفينه كبجعة الرقم عشرة ممكن صحن وجنبه شوكه
يمكن يخليكي تحبين الارقام ويوم تروحين السوق اجميع الارقام في راسك حتى ارقام التلفون والسيارات شوفي كيف شكلها وبشوف تختلف يمكن تتحسن الاحوال
انا للحين ماتحسن الاحوال بس يمكن مع المتابعة تتحسن!