الأطفال و شامبو الكبار

شو حالكم يا خواتي كنت باخذ رأيكم عندي بنتين 8 و. 10. سنوات أغسل شعرهم بالشامبو العادي مال الكبار بس حرااااام تقريبا كل يووووم أخاف شعرهم يخرب و تعرفون بلاوي المدارس و العرق ووساخة الشعر يوم يسيرون المدارس ووقفة الطبور و الغبار فما أدري ويقووولون شامبو اليهال ينشف ساعدووووني فديت عمركم أبغي شامبو زيين للأطفال و للإستخدام اليومي. و ما يخرب شعرهم

الغالية مب كل يوم تغسلين شعورهن ترى الشامبو كثرته يضر بالشعر وخاصه انهن صغار

اغسلي شعورهن بالماي …. بس

اختي لاتغسلينه كل يوم حرام شعرهن بيروح

شوفي انا يوم اينبناتي من المدرسه ادهن شعرهن بحمام زيت
والعصر اغسله وارجع ادهنه وهو فيه ماي بشوي كريم فاتيكا

روعه يحمي الشعر ويعطيه لمعه

اقعد يومين ما اغسله واذا تطريت اغسله اغسله بماي بس وعقب نفس الشيء
ادهنه بكريم
بس يومين فالاسبوع اغسله بالشامبو

شي شاموات فالصيدليه حلوات.. وشي حق الأطفال..

بس هيه لاتغسلينه كل يوم فالويك اند يوم ما بيكونن فالمدرسه لاتغسلينه.. وأيام المدرسه حاولي يوم هيه ويوم لا مثلا

احينه حريم يستعملون بيبي جونسن لان الشامبو الثاني خرب شعورهن

لا تغيرين لهم الشامبو خليهم على مال الاطفال

في عدة ماركات من شامبو الأطفال..جربي وشوفي شو اللي يريحك..عن نفسي ما أحب جونسون..أفضل courine de farm إذا الإملاء صح على ما أذكر..يعني إنتي خايفة شامبو الأطفال ينشف شعرهم ومب خايفة من الكيماويات اللي بشامبو الكبار!! أصلا الكبار المفروض ما يغسلون شعرهم كل يوم بالشامبو…يوم هيه يوم لأ..الأطفال المفروض مرتين بالأسبوع…إذا شعرهم مب دهني..لا تغسليه كل يوم ما بينشف…وسوي مثل الأخوات ما اقترحن

يعطيكم ألف عافيه على الاقتراحات خلاص ما بغسله كل يوم و بشوف شامبو للأطفال في الصيدليه