أخواتي أتمنى تفيدوني بالأماكن السياحية الجميلة في التشيك وشو بيكون جوهم في الصيف و بما اني بخذ عيالي وياي الله يحفظهم حبيت أستفسر عن أماكن الترفيه للأطفال ومطاعمهم كيف و أسواقهم وكم ساعة من أبوظبي للتشيك ؟ …. ياليت اللي عندها أي معلومة لا تبخل فيها علي ومشكورات مقدما .
أسواقهم حلوة ورخيصة خصوصا في الصيف تكون عندهم تنزيلات
*
اجمل المدن فالتشيك ..
براغ العاصمة
براغ مافيها مدينة ملاهي … لكن فيها اماكن سياحه وترفيه في كل مكان ..
حديقة الحيوان وهذا عنوانها على الأنترنت ( https://www.zoopraha.cz/english/ )
المتحف الوطني, ميدان الساعه (هناك في بقعه على الأرض مكتوب عليها _اذا وقفت هنا فأنت في وسط اوروبا) 
في نفس المكان فيه عربات وخيول..
جسر الملك تشارلز يسمونه بالتشيكي ( كارلوف موست) (جسر الملك) .. وعند الجسر فيه بواخر وسفن تنظم رحلات بحريه وبوفيه مفتوح لكن الأكل ما انصح فيه الا اذا كان مأكولات بحريه ..
وفيه قوارب صغيره للأيجار ..تكفي ل4 أشخاص للتجول في النهر …فرصه ما تتفوت .. بعد ما تخلصون من الجسر في الطرف الثاني .. فيه القصر الجمهوري.. طبعاً هذا فوق تله او هضبه اول ما تدخلون جسر الملك.. تشوفون القصر جدامكم في الطرف الثاني .. ,, اذا عائله واطفال صغار ما يتحملون التعب لا اتحاولون توصلون هناك.. .. لأن بصراحه المكان يستاهل ان الوحد يشوف براغ من فوق ,,لكنه متعب بالمشي..
من ناحية المطاعم انصح بمطعم اسمه (السفير) مجمع (أنجل) من المترو فيه محطه اسمها (Andel)
مجمع من 3 ادوار .. ومجمع سينمات وسوبرماركت (كارفور) ومطاعم بالطابق الأخير..فيه مطعم عراقي عربي اسمه (السفير) اكلهم ممتاز ونظيف .
كارلوفيفاري
اصلا هي قرية صغيرة.. وتستاهل الواحد يروحلها .. يتمشى فيها كلها .. وتتميز بالعيون الطبيعية .. والجو الهادئ و الطبيعه الخلابة ..