الإهتمـام والدلع كله لرياييلكمـ بس . . ؟ مالـهم حق ( . . . . ) المغلـوب ع امـرهـم !!

وقفو معاها . . ساعدوها . . شرو لها غرض . . خلصو مشوارها . . الخ

( اخـوانكـمـ )

بنات جد مره سألتو عنهم . . ؟
جد مره طرشتي لهم مسج فيه دعـاء او مسج للصباح . . ؟
جد مره اشتريتي لهم هديـه رمزية بسيطه . . ؟؟ جد مره طبختي اكله يحبونها . . ؟؟
مب لازم كل يوم . . عالاقل مره في الاسبوع
الزوجــه لها غلاتها . . بس الاخت لها غلاتها غيـر بعد . .

اتركي بصمـه حلوة في حياتهم . .
ولو بشي بسيط . . مسج . . طبخه . . الخ

::

تصدقوون . .

قبل فتره كانت فيه مناسبه لاخوي ولو نفرض اسمه (خ) . .

وبغيت افرحه . . سرت اتصلت بحرمه اخوي الثاني (م) وطلبتها تييب عيالها عدنا . .
ع اساس نسوي جو المناسبه لوول . . كنا انا وامي واليهال . .

ويبنا اشيا بسيط وهديه له . . < الفكره مب في الهديه

حليله استانس وااايــد . .
وماتسعه الأرض من فرحـته . . حد تذكره

تعرفوون اخوي (م) اللي ياب عياله . .
عقبها بفتره تعرفون شو يقول لحرمته . . ؟

عق عليها نغزه . .
ويقولها انا كم سويت لخواني ولا حد يتذكرني . . << مب زعلان كثر ماهو غيران من (خ) لوول . .

مع ان الاثنين مب صغار او تفكيرهم تفكير مراهقين . . !
الريّال مجرد تبينين له الاهتمام او شكر بطريقه غير مباشرة يفرح . .

مشكلتنا نحن الخليجيين . .
تربينا ع الحواجز بين الاخت والاخ . .

حاولو انتو تكسرونها . .
ولو بطبخه او مسج . . حسب استطاعتج . .

والله سبحان الله تزيــد المحبه والموده بين الاخوان . .
ولو صار شي لا سمح الله في المستقبل بيتذكرج مثل ما تذكرتيه قبل . . وبيوقف معاج . .

وترا الرياييل مب مثل الحريـم . .
الريّال ماينسى طول عمره . .

حتى لو إنتي زعلانه من خوانج . .
بادري . . وكوني إنتي افضل عنهم . .
ترا الدفاشه فيهم كلهم
وإنتي اللي بتكسبين الاجر صدقيني . .

شوفي هذا حديث صحيح يبين لج عن اهميـه صلة الارحام . .
( الاخوان , الخوال , الاعمام , الام , الاب , الجد/ه )

عن أبي هريرة رضي الله عنه : قال :
قال رسول الله صلى الله عليه وسلم : ( من كان يؤمن بالله واليوم الأخر فليصل رحمه )
متفق عليه .

سئل رسول الله صلى الله صلى الله عليه وسلم
" أي الأعمال أبغض إلى الله ، قال :
الإشراك بالله ، ثم قطيعة الرحم "

ودليل من القرآن . .

قال تعالى " َاتَّقُواْ اللّهَ الَّذِي تَسَاءلُونَ بِهِ وَالأَرْحَامَ إِنَّ اللّهَ كَانَ عَلَيْكُمْ رَقِيباً "
( النساء :من الآية 1 )

يالله دام ان اليوم الجمعه . .
خذو هالمسجـات البسيط وطرشوها لخوانكمـ . .

●●
أجمل ما في وجودي أني أملك أخ مثلك
أسأل الله أن يهبك : قطرة من سحائب مغفرته لا تبقي لك ذنبا
ونظرة من رضاه وستره لا تترك لك عيبا ..
وقبضه من خزائن رحمته لا تبقي لك هما ولا غما أبدا !!
●●
للمؤمن أخوة لا يرى بركة الدنيا بدونهم
" ولا يشعر بهمومها مع دعائهم "
وكلما أحبهم أحبوه وإذا فارقهم حنوا إليه
" إنها نعمة لا يستهان بها "
وإني اسأل المولى أن يحفظ لي أخوتي ما حييت ..
جمعة مباركة .
●●
ملأ الله قلبك عزما
وجعل لك في الفردوس اسما
ومن كل خير قسما
جمعه مباركه
●●
كل دقيقه من اعمارنا
انفاس
لاتعود فلتكن لأنفاك حلاوة
الاستغفار في كل حين
●●
ربي وهبتني خير
اخوه في الدنيا فلا تحرمني
اللقاء بهم في الجنه
جمعه مباركه
●●
اسعد الله
قلبا
عرفته نقيا
طاهرا
يحب
الخير
لكل من عرفه
جمعه مباركه
●●
الي كل من يمتلكون
مساحات من الموده

في قلبي اقول لهم

رفع الله قدركم وفرج همكم وبارك لكم في يومكم
جمعه مباركه
●●
جمعه مضت
وجمعه أتت
اللهم اغفر لنا
ما بينهما ويسر لنا ما يرضيك
●●
إذا مالت شمس الجمعة إلى المغيب
وجلست تدعو لكل حبيب فأجعل لي من الدعاء نصيب ..
جمعة مباركة
●●
اللهم ثبت من احب حتى يلقاك ع ما تحب ..
اللهم سخر له القلوب وأبعد عنه الكروب
وأسعده ما تعاقب الشروق والغروب ..
آمين
●●
جعل الله صباحك نورا وظهرها سرورا
وعصرها استبشارا ومغربها غفرانا
وجعل لك دعوة لا ترد ووهبك رزقا لا يعد
وفتح لك بابا في الجنة لا يسد

لا تحرموني من الدعاء بظهر الغيب لي ولأختي . .
أختكمــ AD Classic .