اليوم من الصبح وانا احس نفسي ثقيله لاني تضاربت ويا ريلي من صباح الله خير
ريلي وانا متزوجين من سنه وشي وماعندنا عيال بس من تزوجنا وبسبب الازمه العالميه خسر بمشروع وكلفه وااايد وطبعا لان كان متسلف فهذا الشيء اثر وايد عليه وعلى نفسيته وكله معصب ومتضايق ومالومه بس انا شو ذنبي بكل هذا والله كم مره افكر بالطلاق ومااحس ابدا اني راح اكمل معه
انا طلعت من بيت ميسور وكنت عايشه عيشه حلوة وشفت العكس بعد ماتزوجت مع ان اشتغل وراتبي الحمد لله زين ومشيه اموري الماليه على احسن مايكون بس مامرتاحه ابدا انا شايله عن ريلي راتب الخدامه وادفع معه جزء من مصاريف البيت ومصاريفي بنفسي بس ابدا مامقتنعه اني اصرف عريال المفروض العكس بس شقول هالازمه بلتني مع ان ابدا مب بخيله بس ابدا مااحب ادفع لريال شيء ومامقتنعه ودايما مضارب بيننا بسبب هالنقطه وانا راتبي اعلى منه رغم انه متعلم بشهاده ماجستير بس شسوي انا جدام الناس مثال المراه الناجحه بشغلها بس من ادش بيتي ابدا مب مرتاحه
شسوي ؟؟
رايي تساعدينه انه يتخلص من ديونه اللي عليه باعتبارهم سلف من عندج …… و عقبها يسددهم …
ما عرف شو طبيعة ريلج هل من النوع اللي يثمر فيه الخير ،، إذا من ها النوع صدقيني ما بينسالج ها الموقف طول عمره ….. لا تحسسينه انج مب مرتاحه بعيشتج معاه و انج بيت اهلج كنتي احسن لأن ها بيولد الإحساس بالنقص اكثر و اكثر …
رايي تاجلين موضوع العيال لين ما تستقر الأمور … و ساعديه ان يحصل عمل ثاني براتب احسن …
و نصيحه مني خلو من راتبكم مبلغ بسييييييييييييييييط تتصدقون به …. و بتلاحظين الفرق في شهور بسيطه
خلقها يوم توقف ويا ريلها في الشده والحزن .. مساعدتج لريلج تبين أصلج النفيس .. فلا اتخلين
الشيطان يخرب عليج حياتج .. والزواج مب كله سعاده وصرف وبس .. لازم تتحملين المسؤولية
ويا ريلج و ماتتذمرين .. الله يهديج ريلج شو ذنبه ..؟ حرام اتحملينه أكثر من طاقته .. اتحمليه اشوي
واتحملي عصبيته .. هو في هم ما يعلم به إلا رب العالمين .. حاولي اتخففين عنه اشوي .. إلين تتحسن المادية عنده
الله يهديج ويهدي بالج وييسر أمور ريلج ويرزقكم من حيث لا تحتسبون آمين
يا أخت أنت في امتحان أمام رب العالمين لازم تنتهزين الفرصة وتصبرين والله بيعوضكم خير إن شاء الله
لا اتضيعين الأجر من إيديج
انتي عندج غرور بنفس وحلووو عليج الغروور خخخخ
بس ريلج صج محتاجج وهذا ابتلا من ربج
تقربي من ريلج ولا تحسسينه بنقص
ان شاء الله فتره وبتعدي
أما اتمين تعايرينه دوووووووووووم …فهذا غلط……بيتم طول الوقت بيقولج تذكرين يوم تعايريني وو………
واذا انج تبين فلوسج لي تصرفينهن ..قوليله من يتعدل وضعك تردهن لي وخل يكبلج ورقه..وهدي بالج
بس اذا لقى وحده تفهمه وتحاول توقف وياه وتساعده……….>>لا تقولين انا قصرت فحقه
الله يهديج ويهدينا
الله يصلحكم