الاكل بالعمر شهرين ؟؟

لا الغالية خليه على الحليب لين ال4 شهور و الافضل لين 6 شهور

انا بنتي اكبر عن ولدج بأيااااااااام …. بس مااعطيها شي غيـــــــر الرضاعه الطبيعيه

حشروني في كل مكان لاتعطينها شي حتى ماي لحد ماتكمل 6 شهور ..؟!

ان شاءالله الخوات يفيدونا

لالالالالالالالالالالالا

انتبهي اختي ابدا لا تعطين الياهل اي شي قبل مايكمل ال4 شهور على الاقل

والاحسن لو اتخلينه يكمل 6 شهور …

بس حليب وحليب وحليب
ماتعطينه اي شي ثاني …… ياهل هذا تحملي تعطينه اي شي من هالاكلات
اصلا مكتوب عليهم 4 شهور و6 شهور !

ممكن تسوين للياهل رضعه وحده ينسون … او ماي وسكر نبات عشان الغازات ..
بس ابدا ما تطعمينه اي شي من الاكل

مشكورة ع التنبيه

الغاليه نصيحه لا تعطينه والله بتندمين اذ انتي بخاطرج ترضعينه طبيعي

لانه كل طفل غير عن الثاني فيه اطفال ماشاء الله عادي ياكلون ويرضعون عادي

انا صراحه للحين ندمانه ولدي الحين تمم الاربع شهور والدكتور قالي اذ ما تجاوب خلاص افطميه انا سمعت كلام الاهل وبديت اعطيه من الشهر الثالث اشيا مهروسه وعصاير الصراحه قبل اسيوع انصدمت يوم نشيت الصبح وما رضع مني وخصوصا اني مو معودتنه ع الصناعي اتخيلي قلبي عورني 7 ساعات يصيح ونا ساهيه ما عرف شو السبب غمشني قلت بآكله كل وشبع ورقد بس صدري عورني وايد لانه فيه حليب ويلست اعاني ويا ولدي يومين ما خذ حليبي بس الحمدالله يآكل ونا يلست اتآلم من صدري اكثر وكثر لاني يزيد الحليب وبنفس الوقت احاول ارضع ولدي مو راضي يرضع المهم سرت لدكتور قالي السبب انج اكلتيه نحن ما ننصح الا بعد الشهر السادس لانه الطفل يستطعم الاكل ويشوفه احلى من حليب الام .. حولني لمستشفى الوصل فقسم الرضاعه الطبيعيه وللحين اخذ عندهم جلسات ابى ارضعه طبيعي ..

سوري اني طولت بس نصيحه الغاليه لا تعطينه حرام بعده ياهل لا تحرمينه من حنانج وحضنج ونتي ترضعينه .. الاكل لا حقه عليه

اسفه ع الاطاله