بنات دبي و الشارقة أنا بأول يونيو بازوركم و بغيت منكم تدلوني وين ألاقي الدراعات التراثية حقتكم اللي مقسمة و ملونة تشبه النشل شوي و ابي اعرف وين الاقي الدراعات و الجلابيات عندك بسعر معقول مثل محلات الجملة عشان ودي اجيب لاهلي لما ارجع السعودية هدايا و كلهم موصيني على ثياب اماراتية شعبية
و أبغى اسأل المخلطات و الدهون الاماراتية وين القاها و ايش احسن دهون و بخور عندكم و ياليت محد يقلي أجمل أو اي محل من المحلات اللي عندنا في السعودية ابي شي خاص فيكم يا حبي لكم يا هلي الامارات
و اي شي تنصحوني اسويه في دبي او الشارقة و اي مكان تنصحوني ازوره لا تقصرون و ترى كلكم معزومين على قهوة و لا تزيدون على القهوة عشان الميزانية كل وحدة تجيب حلاها معاها في المكان اللي تحددونة لاني ما ادل دبي و اول سفره لي
انتظركم و اللي ما بترد ما في قهوة
انا ماعندي خبره فيهم للاسف
موووفقه
الله يحفظك
بس بحاول اساعدج في الى اعرفه
محلات الجملة في دبي عندج في سوق نايف (قولوا حق التاكسي وهو بيعرف)
عندج محل "انفاسك دخون" في ماركاتو وايد حلو
عندج محل "ياس" أنا جربت من عندهم اكثر عن دخون وكلهن روعة :
دخون جميرا
دخون مثيرة
ماذكر اسم الاخير
وعندج دخون "ام عوض القبيسي " ماعرف اذا عندها محل في دبي (بس بصراحة طررر)
وعندج عطورات الجزيرة (هذا قطري) فنانين في الدخون والمخلطات (بس مادل مكانهم في دبي) في بوظبي موجودين عندنا في المارينا مول
بس هذيلا الى اذكرهم
وبالنسبة شو تسوين:
– سيري دبي مول … روووعة .. في الاكواريم (حوض السمك) وفي كدزانيا (لو عندج اطفال) و فيه وااايد مطاعم حلوه
– الممشي (The Walk) وايد حلو.
– حديقة الخور.
– النوافير الراقصة (لاتفوتيها شي خيالي) – موجودة في دبي مول
– شاطيء جميرا (بتشوفين منظر فظيع على الشاطيء بس مابا اخربه عليج خليه مفاجئة لأنه وااايد حلو)
– زوري فندق اتلانتس – ديزاينه روعة وغريب
– اذا القرية العالمية فاتحه سيريها (لأني ماعرف متى بيردون يفتحونها)
– سيري عالم الثلج الى في مول الامارات
أتمنى اكون افدتج وان شاء الله بنات دبي يفيدونا بخبرتهم
وحياج في الامارات
– أذكر الله خلال اليوم في كل ساعة و لو دقيقة .. فمن كان قلبه لاهيا عن الله طوالاليوم من الصعب أن ينتقل فجأة الى الخشوع في الصلاة .. فاذكر الله خلال اليوم.
–أخي في الله توضأ لكل صلاة ، و أدعوا الله خلال الوضوء أن يطهر قلبك كما طهر بدنك .. و أن يرزقك قلبا خاشعا.
– ساعة صدق مع الله لعلها تكون ساعة اجابة .. ساعة صدق مع الله لعلها تكون ساعة اجابة .. ساعة صدق مع الله لعلها تكون ساعة اجابة
– ساعة صدق مع الله في جوف الليل .. ساعة صدق مع الله في جوف الليل..ساعة صدق مع اللهفي جوف الليل.
– ساعة تقبل فيها على الله بكلية قلبك .. مستغفرا ، متضرعا بين يديه ، متفكرا فيدنياك و أخراك ، و تتفكر في الموت و ما بعده ، و في ما مضى و فيما بقى .. ساعة علىهذه الشاكلة تقضيها في صلاة خاشعة ، و ذكر كثير ، و مناجاة فياضة .. ساعة فحسب.
– ما جلس قوما مجلسا لم يذكروا الله فيه ن و لم يصلوا على نبيهم الا كان عليهم ترةفان شاء عذبهم ، و ان شاء غفر لهم.
– ثلاثة من حافظ عليها سعد :
– اذا ظهرت عليك نعمة اللهفقل الحمد لله…. و اذا بطأ عليك رزقك فاستغفر الله …. و اذا أصابتك شدة فأكثرمن قول : لاحول و لا قوة الا بالله.