الامر طبيعي ولا لا ؟

السلام عليكم ورحمة الله وبركاته ..

ابا اسال الامهات عن التسنين عند الاطفال !

ان بنتي عمرها سنه و ثمان شهور يعني ان شا الله بعد اربع شهور بتكمل السنتين ..

ولين اللحين ما طلع لها غير ست ضروس اربعه فوق وثنين تحت يعني من كملت سنه وقفت اسنانها ما طلعوا غيرهم واللي اصغر منها عندهم اسنان ما شا الله اكثر عنها ..

انا من فتره لكن طويله تقريبا من 7 .. 8 اشهور سالت الدكتور وقال عادي المهم نه طلع لها اسنان ..

ابا رايكم اخذها العياده ولا ما يحتاي الامر طبيعي .. بتقولون والله خذيها شو خسرانه بصراحه زوجي وقته ضيق وما احب اروح العياده مع حد غيره فشوركم اخذها ولا لا ؟

والسموحه ع الاطاله ..

ام ابرار

السلام عليكم
اختي الكريمه، هذا الموضوع عادي باذن الله، في اطفال يتاخر ظهور اسنانهم، بس ان شاء الله ع السنتين بتبدا اسنانها تظهر ورا بعض، حتى انش ما بتلاحظين إلا و الضرس ظاهر.
ما عليها شر ان شاء الله، و اذا كملت سنتين و نص ع نفس الحال، ذيك الحزة يبالها مراجعه. بس مثل ما قلت لج، في اطفال يتاخر عندهم التسنين.
و الله يسلمها و يحفظها من كل شر!

مشكوره يا عمري لانج طمنتيني واايد

الله يجزاج كل خير يا رب ..

مشكوره مره ثانيه

ام ابرار