البيبي قبل لا يخلص ال 40

سلام عليكم حبايب
انا توني مربية من اسبوعين وبرضع من صدري
هل من ضرر ان سرت الصالون عملت صبغة وهايلايت
وهل من ضرر اذا كان البيبي معي يوم ما اسير الصالون لاني وحيدة ولا املك شغالة وفي غربة
اتريا ردكم على احر من الجمر

ماشي اي ضرر انشالله
انا سرت الصالون يوم بنتي عمرها ثلاث اسابيع
وصبغت شعري

سيري بروحج "لان الصالون كله دخان الشعر والصبغه وجو مش صحي للبيبي"

نصيحتى لج الغاليه ومدام ما عندج حد فى انتظرى لين تطلعى من الاربعين احسنلج

مشكورة يالغالية . . اخذتي بنتج معاج للصالون ؟ ولا سرتي بروحج !

السلام عليكم..

عادي عزيزتي..واذا تعرفين حد ايج البيت يقص ويصبغ احسن لج واريح لج وللبيبي…اذا لا حاولي تروحين صالون يكون بالمواعيد ومافيه زحمه ويكون فيه مكان تحطين فيها البيبي مثلا غرفه الفيشل او اي غرفه ثانيه..