التحول الجذري من عادية إلى جميلة PART1

السلام عليكم
ابغي اكتب يومياتي عسب اتشجع

يمكن لفتكم عنوان الموضوع كل وحدة ف خاطرها تكون شي

انا مسوية لي برنامج او خطة مب بس للوزن
حتى للبشرة و الشعر و الجسم و حتى ستايلي ف اللبس
وحتى غيرت اسلوبي ف التعامل
صرت هادية مب عصبية و ما ازعل من اي شخص
يعني برنامج كاااااااااااااامل يعتمد ع المضمون قبل المظهر فالاثنين مهميييين

بحاول انزل لكم المواضيع أول بأول اتريووني

انا شراتكم دايت و عقب اخبص و دايت و اخبص ما شي فايدة
التاريخ 12/6/2017 م يوم الأحد
الوزن: 64 -65 كيلوو
الهدف: 58 كيلوو

التاريخ 16/6/2017 م يو الخميس
الوزن الحالي: 62.5 كيلوو

قولوا ما شاء الله ^…^

برنامجي كالتالي:

1- الريوق + الغذاء + العشاء
توست اسمر ++ جبن لايت / بيض/ دياي ومع طماط و خيار و خس ( عادي حطي اي شي ف التوست بس مب مايوونيز و الاشياء اللي تمتن اشياء خفيفة)
2- يوم الخميس يوم مفتوح لكن "بحدود"
3- يوم الجمعة ممنوع التخبيص و استبدل اكلي بسلطات "في حالة ظهرت برى البيت"
4- دبة الماي دايما ويايه يوم اظهر ف الدوام البيت …. الخ و اي مكان ثاني
5- اما عن المشي ما عندي وقت بس انا حركية اتحرك ف الدوام البيت و اسوي رياضة خفيفة
6- بما ان الدايت ممكن يسبب فقر دم او اي شي ثاني استخدم حبوب كبد الحبوب هو فيتامين كل يوم حبة
7- العصاير الفرش مهمة بأمانة ف البيت العصاير كلها فيها سكر و حليب نيدوو بس عادي حبووبات اهون من الفاست فود ++ عصير بركات بدون سكر اللي ما استغنى عنه + لا تنسون حليب طازج ينور الويه
8- الجانب السلبي ف اي دايت : ان ويهي اخترب و الغزوز اختفن ومب عارفة كيف ارد خدودي الله كريم
9- النسكافيه ما اروم اودره بس عادي خواتي مب لازم احرم عمري من كل شي دام وزني ينزل
10- اعيد و اكرر اللي تسوي ها الرجيم بدون رياضة بتنزل لكن صدقوني مع رياضة وااااااااااايد بتنزل

كل يوم بسدح لكم شو اسوي بإذن الله
من أكل + رياضة … الخ او اي شي ثاني

الساعة 7 الصبح: شربت لي حليب فرش بدون دسم ومعاه شوية سكر
اساعه 9 الصبح: شربت نسكافيه