بغيت اتناقش وياكن عن التربية الخاصة في مدارس الابتدائية
نحن على ايامنا يوم كنا ندرس كانو بس يحطون فيها البنات اللي عندهم اعاقة
اما السنة اللي طافت بنت اخوي كانت صف ثاني ابتدائي والمعلمه ما كانت تفهم عدل ولا تهتم في الطالبة وتتابعهاا
يوم راحت حرمة اخوي تسأل عن مستوى بنتها قالت لها الأبله لازم تدخلونها صف التربية الخاصة قالتها حرمة اخوي بس التربية الخاصة نحن كلنا عارفين انها بس حق االي عندهم اعاقات وانا بنتي الحمدالله ما فيها شي
واقنعتها الأبله ان التربية الخاصة حالها حال اي صف عادي بس يهتمون في الطالبة اكثر ويكون عدد البنات قليل 6 طالبات
ودخلتها امها سنة كامله وطلعت الأولى بس درجاتها كانت في الستين والسبعين ولا شفنا شي تحسن ولا تعرف تقرا ولا تكتب ما استفادت الا الن الصغاريه يقولون فلانه في التربية الخاصه يتحرون فيها اعاقة
واتفاجأنا انهم كاتبين على الصف (( صف ذوي الاحتياجات الخاصة))
وهالسنة صارت في صف ثالث اونه سوولها اختبار وقالوا انها اتحسنت كيف ما ندري؟؟
وراحت حرمة اخوي تسأل عنها اتخيلوا شوقالولها :: فلانه بنت التربية الخاصة مع انهم في البداية قالوا انها عادي!!!!
وودي اخذ رايكن بصراحه
للعلم المدرسة في بني ياس !!!
ودمتم بخير
شوفي بما انه تخصصي هو تربيه خاصه بس بعدني ماشتغلت بس بخبرج عن معلوماتي
الصف الخاص فالمدارس مايخصه ابدا بذوي الحتياجات لنه وقت مايتأكدون ان الطفل فيه اعاقه يتحول للجهه الخاصه بالموضوع يعني كمركز رعايه للذوي الحتياجات الخاصه بس لي لاحظته فكذا مدرسه انه من يشوفون الطالبه وخصه انه صغير مايتريون عليه عطول يحولونه ع الصف الخاص مع انه قدرات العقليه احسن بوايد عن مستوى الاطفال لي يدشون هالصف.
واحيانا يكون فالصف حالت اطفال صعبه تحصلين المدرسات وهذا من لي شفته انهم يركزون ع الطلاب لي مستواهم وايد منخفض اكثر من الطلاب الثانين عسب جذا ماتحصلين مستواه يتغير والعباره لي مكتوبه ع الصف ما ظنتي هذا موقعها لنهم مب ذوي احتياجات حالهم وحال الثانين واحد اللهم عندهم تأخر بسيط مع التدريب يلحقون بغيرهم من الاطفال والا ماسوا اصلا هالصف دامهم احتياجات خاصه بتحصلينهم ع طول المركز.
بس خل حرمة اخوج تعرف شو بنتها شو عندها بضبط وتقدر تتصل ع جه يعطونها طرق تقدر بها تساعد بنتها عسب يتحسن مستواها وخلها تشوف فيه مدونة خاصه بهذي الفئه تضمن حالات المتأخرين..
ان شاءالله اكون فدتج وانا بحاول اطرش لج اي شي اقدر اساعد به ..
الصف الخاص للي عندهم تاخر يمكن يتمون فيه سنه سنتين ع حسب الحاله عقب يرجعونه الصف العادي بس الله يبارك فبعض المدرسات مايتحملون ويبون الفكه
بس على قولتج المعلمات يبون الفكه
الله يعينا وينجح الطلاب