حبيت اطرح هالموضوع من بعد ما شفت موضوع امنزلتنه وحده عن التعارف بين البنات وقبلها بعد شفت غيرها منزلين نفس المواضيع يوضحون ندمهم من بعد هالتعارف ….. شخصيا ما احبذ ان الوحده تتعرف على وحده من النت سواء من مدونة او غيره …..
النت يعتبر عالم مجهول والاشخاص اللي نكلمهم من وراء الشاشه اشخاص مجهولين ما نعرفهم ولا يعرفونا ولا نعرف اخلاقهم ولا يعرفون اخلاقنا … حتى في المنتدى هني انا اشوف مش من الضروري انه يصير تعارف برا المنتدى بين البنات …. سبحان الله انتي ما تعرفين هالبنت شو اخلاقها ولو منو اهلها ولا من وين يايه …. الواحد صراحه المفروض ياخذ حذره ….. كيف اثق بشخص من خلال النت واعطيه رقمي وكل اسراري الشخصيه ؟؟؟؟ …. وهل من الضروري اني اسوي صداقات مع بنات من النت والمنتديات؟؟؟ …. حتى لو هالبنت كتابتها في المنتدى ادل على انها زينه وخلوقه وصالحه ….. الوحدة المفروض تاخذ حذرها وتنتبه ……. انا مره قريت موضوع هني وحده كاتبتنه انها تعرفت على وحده من المنتدى وقاموا يتكلمون في الماسنجر وبعدين تفاجأت ان هالبنت تكلمها في اشياء قذره واباحيه !!!! ……. انا اشوف صراحه الشخص يكون حذر في استخدام النت وما له داعي التعرف على اشخاص من النت وافشاء الاسرار العائليه والشخصيه وتبادل الصور والارقام … يكفي انا نتشارك في المنتدى بالمواضيع والنقاشات وتبادل الاراء والنصح والحلول …. هذا رايي … ودمتم سالمين
انها عطت ايميلها لتاجره وبالاخير طلعت رياااااااال @_@ زين يت ع الايميل ولا الرقم ..
والمشكله البنت مب متذكره نكه .. حرام عشان تنبه البنات منه ..
حسبي الله ونعم الوكيل ..
يكفوني ربيعاتي في السكوول بنات اعرفهم من يوم ما كنت صغيره وواثقه منهم بعد
انا اباا اعرف كيف جيه يسووون انا استغرب من البناااااااااااااات ليش ادمرين حيااتج بنفسج وانتي اكبر من جيه
انا لو شوه اتسوووين لازم اشااور ريلي خاصة ف امووور النت ما اضمن لازم ريلي يكون ويااااي ويعرف شوه اسووي
الله يهديهم ان شاء الله يكون درس للغير واتكون عبره لا تضمنين حد هلايااام والله وراااج هيل الذياااب وين رحتي
كانو ورااج احفظي عمرج من هاااي الاشيااا والله يبعد عناااا وعنكم السووووء آاااااااااااامين يااارب
بس ما وصل الامر لدرجه اعطيها صوري…يمكن عطيتها رقم تلفوني وبس
لكن كنت حازمة…صوري مستحيل..حتى لو هى طرشت لي صورها كنت برفض ما بسوي (اكسبت)
شيء صعب اعطي صوري حتى لربيعتي…
والله يكون في عون كل بنت ثقت بحسن نيتها وعطت صورها لوحده ماتعرفها…أسميه (تهور) تبغي
تتعرف عليه عندها مكان عام …حديقة…مول…مطاعم…بس صور بالنت نفر فور ايفر 
اعتبر درس بس درس صعب جداً