تم تعيينها والحمدلله كمدرسة في إحدى الثانويات وهي فرحاااانه وفي نفس الوقت خاااايفة من التعامل مع الطالبات على قولتها أحس بنات هالايام قويات وجريئات ……
فتسأل كيف ممكن اتعامل وياهم…….. قلتلها مالج غير بنات المنتدى اللي ما راح يقصروووون وياج
فاللي ممكن تفيد اختي بأي شي يامرحبابها وتسوي الخير …………………….
واللي ما عندها اي خلفيه عن بنات الثانويه ياليت تدعي لأخوتي بالتوفيييق والنجاح……….
واتمنى ما حد ينقل الموضوع …لأني احترت وين احطه
وكل عام وأنتو بخير بمناسبة الشهر الفضيل
.., نحن الصراحة نحب المدرسة اذا كنات طيبة ونفس الوقت صارمة معانا .., طبعا نحب المدرسة اللي تعاملها ويانا ي أوكي .., ونصيحة مني كطالبة فالثانوية اذا اختج تريد البنات يحترموها تفرض احترامها عليهم من البداية .., لأن إذا ما فرضت احترامها عليهم ما راح يحترموها لو شو مايصير ..,
وبالتوفيق ^^..,
المشاركة الأصلية كتبت بواسطة !! بنت دبي !! 
انا هالسنه خلصت ثانويه والحمدالله
وصراحه اعترف في بنات مب زينات وجريئات
بس اكيد طبعا في بنات زينات وعندهن اخلاق عاليه ويحبن الخير
خليها اول تتعرف ع البنات وتشوف منو البنت الزينه والبنت الشينه
انصحها والله تبتعد واااااااايد عن البنات الشينات لانها بتتأثر فيهن وخاصه في هالعمر
وبيأثر في دراستها وبينزل مستواها
فتروح عند البنات اللي اخلاقهن زينه , يتعاملن باحترام , يساعدون بعض ف الصف
في الواجبات < بالنقل طبعا خخخخ
او يشرحون دروس بعض وجي يعني
اي استفسار انا حاضره تراني فاهمه البناات عدل خخخخ
والله يوفقها ان شاءالله ^^
حبوبة أختها تعينت مدرسة لمدرسة ثانوية بنات
من شو الخوف هي مدرسة تؤدي عملها وهي صح ما عندها خبرة بس مع الوقت بتكون قد المسؤلية
اهم شيي المعاملة الطيبة لهم وتكون قريبه منهم
وبعض الايام يعني ف نهايه الحصص تسولف وياهم وتقول لهم اي وحده محتاجه شيي
ولا ف خاطرها شيي تقولي وانا اختكم وجذيه ،، لان البنات اللي ف هالعمرر يحبوون الاهتمام يعني
تسويلهم اهتماام ،،، وعن الشخصية: تكوون قوية اهم شي لان البنات بيخافون وبيحترمونها وبنفس الوقت تكون اوكيه وياهم يعني تحاول قد ما تقدر لا تصررخ عليهم ،، كل شيي بيمشي بالتفــآاااهم ..
ومووووفقه يا ربــــــــــــي
يعني تحدد قوانينها من اول دقيقة للحصة لآخر دقيقة
تبدأ القوانين من انها ما تحب التأخير عن الحصة و تبي الطالبات يكونون مطلعين الكتب و مستعدات للحصة قبل ما انها تدخل الحصة .. و في مداراس الابتدائي لازم ان البنات يكونون مبرين اقلامهم هههههههه
و تذكر كل القوانين و الأشياء إإلي هي ما تحبها و ما تنسى شي قبل الشرح و اثناء الشرح و بعد الشرح
و بعدين تحدد العقوبات مثلا الي ما تحل الواجب توقف ورى على ريل وحدة ههههههههههههه اتغشمر طبعا
و من ثاني حصة لازم تبين للطالبات انها ماشية على القوانين و ما عندها تسامح و تساهل
لانها اذا اتساهلت و ما انكرت على الطالبات التصرفات الغير اللائقة بزمن الحصة بيقل هيبتها
و اذا ما كانت تعاقب المهملات و الي ما يحلون الواجب بتتفاجئ باسوا العلامات في النهاية
و اذا حابة اعطيج امثلة للقوانين انا مستعدة