كيف الحال ؟ اكيد بخير والحمدلله
بس حبيت اطرح هذا الموضوع
هو التعصب بالراي وعدم احترام وجهة نظر الاخر حتى لو كانت خاطئة
ولكن يمكن تلقيها بصدر رحب وشكر صاحبها عليها
كثير منا من يكتب
ونتحاور مع الغير باساليب شتى
سواء اصاب ام لم يصل الى ما يريد ايصاله الى المتحاور معه …
ولكن هل جميعنا يحترم وجهة نظر الاخر ؟؟
ولماذا لا نقبل من الاخرين الصواب ؟
وعدم قبولنا لانفسنا النقد؟
اطرح بين ايديكم هذا الامر
ولكن هل جميعنا يحترم وجهة نظر الاخر ؟؟
بالطبع لا لان مب كل الناس يتقبل راي عكس رايه
ولماذا لا نقبل من الاخرين الصواب ؟
هالشئ يرجع لشخصية الانسان و تفكيره و صعب التناقش فيه بسبب اختلاف الشخصيات
وعدم قبولنا لانفسنا النقد؟
هالنقطة للاسف ماعندي له جواب لان عن نفسي اتقبل اي نقد و اي نقد على عيني و راسي 
و ابدا ما اتضايق ,, بالعكس احب اللي يبدوؤن رايهم بكل صراحة بدون ما يتأثرون باراء الآخرين و احترمهم وايد
حتى لو كان رايهم ضد رايي لان مب شرط دايما اكون انا الصح
حلو الواحد ياخذ ويعطي ويكون عنده روح رياضية و سعة صدر
واختلاف الرأي لا يفسد من الود قضية
وانا عن نفسي احب الناس تنتقدني لانه النقد
يطور من شخصيه الانسان لكن في ناس تفتقر
لاسلوب الحوار او النقد بشكل خاص ف تشوفين
اسلوب التهجم فيهم هو الطاغي ع رايهم فينا او فـ آرائنا
ومن ناحيه التعصب، شخصيا اتعصب ف رايي
اذا كان الموضوع يخص الامور الدينيه واللي يبدي
رايه يبديها من ناحيه حريه شخصيه هني محد يمسكني هههه
لانه قناعتي هي ديننا علمنا الحلال والحرام ولازم نمشي ع
الصراط المستقيم يعني لا يمين ولا يسار والله يقدرنا عليه اما
المواضيع الدنيويه ف اكتفي بالابتعاد عن البيئه اللي ما تناسبني سواء
ف تفكيرها او الآراء اللي تطرحها ف لا احرج نفسي ولا احرج صاحب الراي . .
عرفت معنى المثل اللي يقول " عش رجبا ترى عجبا"
استغرب يوم ترمسين ويا وحده
على طول قول لاااااااااااااا او لا لا لا لا
زين يااختي اسمعي وجهة نظري للاخر
يمكن تقتنعين !!
لكن شو بقول راسها والف سيف الا هي الصح
وفي المنتدى بعد
في بنات قد يبدو للبعض عليهم الحكمة والقدرة على المحاورة
لكن من وقت ما تبين تعارضين نقطتها لوجهة نظر عندج او لتجربة خضتيها
ما يعيبها الموضوووع
او ترد عليج بالمقابل بحجج سخيفة وواهية ومالها معنى
تبين لج عمق الفراغ اللي براسها وعدم وجود اساس لارائها
المهم انها ترد عليج وتكسر رايج وخلاص!!!!
وطبعا في ناس عكس جي تماما
تحسينها مستمعه جيد ومتقبله لكل فكرة جديده
وتتفاعل وياج بالمحادثة
وبالاخير الانسان ارائه عبارة عن تجارب خاضها او افكار سمعها من اشخاص اخرين خاضو هالتجارب
فليش ما نعطي اعمارنا فرصة نستمع لوجهة النظر الثانية
ونبني افكارنا بطريقة صحيحة ومرتبة وعملية وواقعية
الاسلوب اهم شي عندي يعني عادي تكون وجهة النظر صحيحة بس الاسلوب مب لائق فما اتقبله ابدا . .
واحيانا في بعض الناس يحبون يخالفون لمجرد المخالفه ,, يعني داااائما يكون عكس وجهة نظرج ويوم تسالينهم عن السبب تلقينه غير مقنع ابدا
بس بشكل عام حلو الواحد يسمع اراء الناس واكثر من وجهة نظر واحده ويتقبل الجميع وفي النهاية يسوي اللي هو يباه لانه حياته ^^
مشكورة ع الموضوع