التغييرات لفترة مابعد الاربعين :) شاركونا

مرحبا بنات شحالكم؟
معظكم طبعا في أواخر شهورهم ومعظكم في الاربعين..
حبيت أحط هالموضوع عشان كل وحدة تخبرنا شو ناوية تسوي حق عقب ما تطلع من الاربعين…طبعا أول شي كل وحدة متى ناوية ترد بيت ريلها..
وشو التغييرات في الشكل اللي حابه تسويها..
التغييرات في غرفة النوم…
وشو طريقة منع الحمل اللي ناوية تمشي عليها..
شاركونا

ان شاء الله بعد يومين بدخل التاسع..

بتم بيت هلي ٤٠ يوم.. بس احسه وايد.. الله يطول بعمر ريلي بيكون بروحه.. وبتم احاتي اكله وثيابه ورقاده (نونو الكبير) ويمكن ما اطول بيت هلي..

التغيرات اباه يشوفني مثل ما شافني عالكوشه يوم زواجنا .. خاطري اتمكيج واسرح شعري بتسريحه حلوه والبس لبس مخصر هذا اذا كرشتي دخلت هع

التغيرات في غرفه نومنا طبعا سرير النونو وصوره جماعيه لنا (انا وريلي والنونو)

ومنع ان شاء الله طبيعي.. ومتى ما راد ربي يرزقني بقول الحمدلله..

تقريبا كل شي ابي أغيره من شكلي لبيتي لنفسيتي …
اهم من هذا كله اني اتخلص من الوزن الزائد .. واسافر استرخاء

هيه انا بعد نفس الشي احس بحاتيه وايد … بس احس حلوة الفترة وبتكون ان شاء الله بريك عاطفي وهو طبعا ما بيقصر في زياراته … وبعدين ان شاء الله كل شي بيرد مثل قبل.. شكرا على المشاركة

للرفع

انا بعده مشواري طويل بس حاولت في ريبي يخليني في بيت هليه ما طاع قال ما اروم اتم في البيت بروحي بضيع لانه ابدا ما يسوي شي موووول لا لبس لا اكل لا شرب ولا حتى نوم يقدر يسويه من دوني سبحان الله انا عودته حتى اموره الشخصية ما يعرف وينها الا اذا انا طلعتها له هذا بسببي يقولي الا تبينه بسويه بس ما تروحين عورني قلبي عليه وامي وخواتي يضغطون عليه عشان اتم عندهم الاربعين ؟؟؟؟ محتاااااااارة

بالنسبة لبعد الاربعين انا ناوية اغير شكلي كله وبحاول في الاربعين انزل الزيادة في الوزن بعد وبتحنا وبصبغ شعري وطبعا بحط ورد وسرير البيبي في الغرفة وحركات تغير من الغرفة وانا بسوي غرفة ثانية فيها سرير للبيبي عشان اغراضة واذا نش في الليل اسير اقعد فيها عشان من ازعج ريلي ….