جيف حالكم بنات , عساكم بخير وسهاله ؟
سلمكم الله انا من فتره قام يلازمني التفكير السلبي فحياتي
وقمت اوسوس بطريقه مبببببببب طبيعيه , مع العلم اني ما كنت جيه قبل
يعني عشان اوضح لكم اكثر بقولكم امثله :
كثير ما نسمع ان اكل المطاعم مب زين , والزيوت المستخدمه فيه تسبب امراض
فـ انا دايما احاول ابتعد عن الاكل من برع الا نااااااادر
واذا حصل وكلت , اتم عقب متروعه , اقول الحين يمكن امرض يمكن يصيبني شي
ليش كلت وليتني ما كلت . . الخ الخ !
موقف ثاني حصلي من يوميين
انا احب الحنا وايد , وبين فتره وفتره اتحى
بس الحين وايد قمت اسمع ان البنات تحترق اياديهن من الحنا وتتشوه
عاد خويتكم من سمعت الخبر تمت توسوس
انا قلت بتوكل على الله والحمد ما جد صابنيه شي من الحنا
امسات يوم تحنيت , وحياتكم ما كمل دقايق وشليته من الرووووع !
قلت لالا اخاافه مب زين ويضرني ><
المواقف ما تعد ولا تحصى
فدراستي فعلاقتي ويا اهلي فكل شي خاص فيني
قمت افكر بطريقه سلبيه واخاااااااف وااايد من كل شي
اخاف على يهال العايله واخاف على اهلي وايد
حتى اليهال يوم يلعبون ويا بعض , اتخيل ان حد منهم بيدز الثاني وبيطيح من مكان عالي
اخاف حد يشوفهم ويحسدهم بسم الله عليهم
اتعوذ من بليس واذكر الله
واحاول اشغل عمري بشي ثاني
قريت كتاب السر وحبيته وااايد وهذا الي انا محتاجه اني اطبقه
لكن للأسف اي كلام اسمعه من برع عن مرض ولا عن ضرر ولا شي مب زين
اتم متروعه و اوسوس !!
لا بعد ازيدكن من الشعر بيت
قمت ارد الخطاب عني وارفض فكرة العرس
من كثر ما اسمع مصايب المعرسات ويا اهله او ويا الريال نفسه
اقول فخاطري شلي بالهم والبلى !!
شو تنصحوني اسوي
اوسوس بكل شي مب من احين من يوم صغيره واتخيل اشيااء غريبه عجيبه
الله يعينا خيتووو
نفس حالتي
وايد وايد اوسوس
ولو اذكرلج امثله بتتخبلين
احب اخبرج وللاسف انه هذا مرض .. مرض الوسواس
وشي منه انواع ..
خذت اشكثر كتب وقعدت اقرا واحلل حالتي ..
والله وايد مضايجه من الوضع مب رايمه اعيش بشكل طبيعي شرا الناس
خاصه ف سوالف اليهال لاتنشدين كله اخاف عليهم واحاتيهم واوسوس اذا كانوا يلعبون ف الحوي ، عادي اتحصليني واقفه ف الحوي اراقبهم من بعيد من كثر ما اوسوس
واذا حد من يهال العيله مرض ايلس اصيح و اوسوس وايد
سوري وايد رمست >> ماصدقت ابا افضفض اهئ
المهم حبيبتي دوري بتلاقين وايد كتب او حتى اون لاين ارتكلز ، يعطونج خطوات تتبعينها عسب اتخففين هالشعور تدريجيا ..
وقبل ها كله اذا ياج هالشعور غمضي عيونج وايلسي استغفري انا وايد ارتاح يوم اسوي جي ..
وشي غيره بعد ، دايما اذا حسيتي ان شي سلبي بيصير اتعوذي من ابليس وتمي رددي داخلج ( انا عند حسن ظن عبدي بي ) ولا شعوريا بتغيرين تفكيرج للايجابي
سوري اذا كلامي املخبط
انا اعاني والله .. وما ارتاح الا ب هالطرق
الله يشفينا ويرزقنا راحة البال
وفرج الله همكم دنيا وآخره
ماريه السويدي
فاهمتنج يختيه مواقف ما تدش العقل حتى يمكن
بس نحن الي نعيشها ونحس فيها نفهمها غير عن الناس
الي قاهرني انا ماكنت جيه موول
السالفه هاي بدت عندي من كم شهر بس
دايما اقرا واقنع نفسي ان ها غلط وان شاء الله اقدر اوقف من ها الوساوس
بواضب على ( انا عند حسن ظن عبدي بي )
ويزاج ربي الخير فديتج