تبين مقشر خفيف مايطلع ويهج احمر والوان مادري من وين
تبين تصفين بشرتج من بلاوي الجو حتى الضب والبعير مايتحمل الجو
تبين يفتح بشرتج ويحافظ عليها ويخليها لون واحد من بلاوي شمسنا الحاره اللي حتى لوتاخذين بيضه وتكسرينها على الشارع بتستوي من حرارتها وتسير بيض مقلي
وهذا موشعر كاتبته ولاقصده لايابنات ياقلبي انتو انا كتبته لاني جربته من بعد اختي الصغيره اهي بفترة المراهقه وتدرون المراهقه وبلاوي اللي تطلع بالويه بهالحزه فبعد علاجها اكتشفت ان هالمنتج عجييييييب
اهو
(( جل كريم من fair and white ))
تلقونه بالصيدليه بسعر 8 ونص وقبل الزياده كان بـ 6 ونص بس يستاهل
اقرو سالفتي
انا استعملته لان بشرتي حساسه ودهنيه وعندي جم نفره قديمه وفيها اثار بس الحمدالله صافيه بس من اطلع بشمسنا نفسيتي تتعب واحس ويهي حمر من الحر وغير جذي عندي بقع كلف بس اللي بويهي يسمونه الدكاتره (( جناح الفراشه )) قولو ليش …. لان من لبست الشيله وخاصة" اذا شيله لونها غامج اسود او رمادي او بني ألخ … واطلع بالشمس يسمر ويهي بس من الخد اللي صوب قبل الاذن عرفتو مكانه صوب الوجنتين من الجنب يسمر بدرجه بس محد يلاحظه الا اذا وحده وايد تهتم بالبشره اوصاحبة البشره اكيد بتلحظها بس الناس مايلاحظونها
المهم فشكيت واستغربت شنو هالبقع المزاجيه اللي تطلع بهالشكل !!!
قمت ورحت طبيب الجلديه اللي بمستشفى الاحمدي
جان يكشف على ويهي وشوفو المحاوره بيني وبين الدكتور :
د. : انتي تستعملين سن بلوك = الحمايه
أ : يعني ومع ابتسامه
د. : الوالده تعاني من بشرتها بشي او الوالد ؟
أ : الواده تعاني من كلف بس خفيف ومايطلع الا بالحمال بس الوالد لاء
د. : اها ياقطاوي انتي فيج كلف خفيف ومن النوع الخفيف وعلى شكل الفراشه احنا الدكاتره نسميه
(( جناح الفراشه ))
أ : بققت @@ مع ابتسامه هبله اشوي نوعا" ما لاني منصدمه وموفاهمه بنفس الوقت لاني فهمت ان بشرتي فيها شي بس شنو مادري
د. : ادري متضايقه بس لاتحاتين اهو خفيف ويختفي ومحد بيلاحظه بس لازم ماتهدين السن بلوك وراح اعطيج دوا وايد زين وانا زوجتي تستعمله موبس حق الكلف بعد حق البقع اي بقع وحق اللي تسمر من الشمس او اللي لونها موموحد ووايد فضيع وخفيف ومايخلي البشره تحمر
أ : جان اقوله شنو
د. : جان يقولي اهو (( جل كريم من fair and white ))
أ : قلتله اي اعرفه وايد حلو وايد ريح اختي الصغيره وويها صار صافي سبحان الله ونور ويها ووحد لونه لان اهي قام يطلعلها نفر توها مراهقه
د. : جان يقولي تلقينه بالصيدليات جربيه وحطيه بليل ونامي والصبح غسلي ويهج وكثر من المرطب
تقشيره مايحمر الويه وايد مثل باجي المقشرين يخلي الويه حيل احمر والوان ثانيه استغفرالله والنتيجه سريييييعه تخيلو
وطلعت منه وعلى طول رحت اقرب صيدليه عند بيتنا وخذيته
والله ثم والله ثم والله
ان عقب مااستعملته بعد 3 ايام بس شوفو بس 3 ايام
جان تقولي اختي الصغيره انتي حافه ويهج ؟!؟!؟!؟!؟
طبعا " انا @@ ونسيت ان صارلي 3 ايام استعمل اكريم وبدال لااتذكر زفيتها وصرخت عليها وقلت لها انا احف ويهي ليش شافه فيني شعر وايد بويهي وانا مادري
طبعا" اختي قالت وبرود لا بس ويهج صاير صافي شمسويه ؟؟؟
جان اتذكر الكريم اللي احطه قبل لاانام جان اطخ واشوي اشوي وابدي اشق حلجي من الابتسامه وبعدها جان اقولها اي بالغبيه انا احط اكريمج وصفه لي الطبيب يهبل واكبر دليل انج لاحظتي ويهي
فشنو صار بالبيت زلازل وكوارث طبيعيه الكل طب عندي ويسالني من خواتي وامي وحتى خدامتنا
عقبها الكل مايستغني عنه وكلنا نمر الصيدليه نشتريه ولعى فكره انا كتبت موضوع سابق عنه بس معا ادويه ثانيه علاجات حق اختي الصغيره بس مالكم شغل فيه بموضوعي لان احنا مثل ماقلتلكم نبي للتقشير الخفيف والتصفيه وتوحيد اللون والتبيض
وحتى الصيدلي يقولي سلميلي على العايله الكريمه
وسلامتكم وعاشو الحاضرين ادري قرقت وايد بس احب انصح بضمير
عني انا عيبني وحابه اجربه بس مب عارفه كيف لانه مب موجود فالامارات
وهالموضوع منقول من منتدى كويتيات للعضوة قطاوي
بخبر دكتورتي عنه إن شاء الله