هلا خواتي …
انا كل مادش منتدى ثاني ولا الاقي البنات اللي فالسعودية والكويت طايحين مدح في هالأشياء الثلاثة (((الحجامه والقسط الهندي والبردقوش))) وكاتبين تجارب حريم استفادن من هالأشياء….
طبعا الحيامه والقسط الهندي موصي فيهم خير البشر محمد صلى الله عليه وسلم وموصي السيده عائشه رضي الله عنها النساء يستخدمن البردقوش …
والله المفروض نتبع وصايا الرسول صلى الله عليه وسلم .. تعبنا من علاج الدكاترة والادويه والمواعيد
فأنا هاليومين واااايد افكر احتيم … وبأذن الله باستخدم البردقوش …
ياليت اللي احتيمت ولا استخدمت القسط الهندي ولا البردقوش تخبرنا بتجربتها وش استفادت ؟؟؟
(ياحي ياقيوم برحمتك أستغيث).
(سبحان الله العظيم).
(اللهم اني أسألك دوام العافية، وأسألك الغنى عن الناس، ولاحول ولاقوة الا بالله العلي العظيم).
استـــــــــغفر الله
استـــــــــغفر الله
استـــــــــغفر الله
ولله الحمد سويت حجامه اكثر من مره
سويت الحجامه الجافه عند *****
والحجامه الرطبه عند د. امل في ابوظبي
التكيسات خفت وايد وراحت من المبيض اليسار
والبردقوش نفس الشي يقوي البويضه ويكبرها
وربي يرزقج ان شاء الله
وتعمدتهم 3 شهور كوني أعاني من التكيسات ….
المهم
أخذت تقريباً القسط الهندي من الخاجة في العين وحطيتهم في كبسولات وكنت أخذ 4 كبسولات على كل فرض
إن أمكن أو أقل …
المهم وكنت أسوي حجامة جافة .. بس أنا كلمت واحد اسمه ( أبو سراقة ) بحريني متخصص في الحجامة
على السنة .. واستفدت منه وايد … وهو إلي حدد لي الجرعات .. وقالي لابد من حجامة الدم مش الجافة
وأنا يومتها سويت الجافة ويا القسط وكنت أشرب الميرامية & المردقوش ..
استمر هت الكلام وياي لمدة 3 شهور … والله الشاهد سويت فحص للهرمونات وشليته للدكتور
لأن مقرر علي منظار لكي التكيسات قالي هرموناتج طبيعيه جداً .. بس المشكلة في تكيسات على المبيض
وسويت المنظار بس ما استمريت في العلاج …
وان شاء الله ناوية الحين أرد بس للحجامة … (( الدم )) وربي يوفقج ان شاء الله …