اشقت لكم ربيعاااتي لانكم دايمأ تساعدوني بالحلول ..
مالي الا الله ثم انتم يالغالياتـ….
اولاَ: صار فيني عدم الثقه بكل الناس لدرجه ماصرت احب اختلط بالكل خوف منهم يجرحوني .
قبل كنت اجتماعيه بس من كثر طعون الناس حسيت بالاستسلام !! كيف استعيد ثقتي واوجه المصاعب؟
وكنت قبل من شهر لسنه اعرف الدموع والحزن لكن الحين صرت كل يوم ابكي لما تذكر الناس الي جرحتني صرت حساسه زياده عن اللزوم كيف اخلي الناس ماتهمني؟؟ كل يوم والحزن يرافقني عكس قبل مليت من نفسي ..
ثانياَ: تخيلوا اقرب انسانه بقلبي احبها اموت فيها لانها تحس فيني دائمـا . بس صدمتني!!
بنت عمي دايم ازورها وتزوني . .. انا واعوذ بالله من كلمه انا احب بسوالفي الضحك والمرح وندخل الجد بكلامنا ونتناقش منوعه احاديثنا . الحين صارت كل كلامها تتكلم عن جمالها وأن كل الناس معجبه بجمالها كل كلامها عن مظهرها الخارجي . وربي اني جميله بس ماتكلم عن هالمواضيع .. ولو صارحتها بهالموضوع بتقول اكيد انقهرت منها ؟ تخيلوا صارلي شهر مالي نفس اتكلم معها بتلفون .
واتمنى مساعدتكم يالغاليات ..
ارجوكم ابي استعيد نفسي وثقتي القويه الي كانت قبل .
ابي اواجه الناس. وابي اعيش حياتي بالمره وبالحلوه .
ابي ابتسامتي ترجع مثل قبل.
وربي انطعنت كثير .. ابي ابني نفسي قبل مانهدم نهائيا..
صدقيني صح انه صعبه يوم الوحدة تنصدم من اقرب اصدقائها
لكن يالغالية ماباج اضايجين بعمرج عسب فلانه وعلانه
حطي فبالج انه ربيعتج عايشه حياتها ومستانسه وانتي شاله هالهم والضيج فقلبج يرضيج هالشي؟؟؟
تهونين على عمرج جي تسوين؟؟؟؟؟ ياخي والله مابناخذ شي من الدنيا غير اعمالنا الصالحة عامليها بالمعاملة الحسنه,,
وحطي فبالج كل كلمة وكل حركه بتنسألين عنها قولي وداعا للهم..
والله اذا تبين اي شي إحنا حاضرين ومستعده اعطيج رقمي وكل ماتضايجين فضفضي
انتي لوكنتي اطلعين كل اللي بخاطرج تروح همومج لكن اذا حبستيها يزيد الهم واذا انتي ماتحبين تشتكين لحد.. روحي اقعدي بروحج صيحي وطلعي الهموم كلها اوحتى اطلعين هالشي بورقه وقلم
.وانا حاضرة ان حتجتي لاي شي..واكثري من الاستغفار ولاتستهينين بالاستغفار..
اي والله صدقتي الدنيا ماتسووى والناس الي باعتنا بنبيعهم بسهوله بس المشكله الجرح كيف اخليه ينمحي مني
ويشرفني اكون صديقه لج يالغلا وافضفض لج
عسى الله يوفقج يارب
حاولي تقوين علاقتج مع ربج والله والله والله بتحسين بفرق كبير
وخلج دايما واثقه بعمرج مهما كانت المشكله كبيره
والله في هالزمن السااكت حقه ماااكول
اختلطي بالناس وسوي جو واضحكي حتى لو كان فقلبج حزن صدقيني مع الايام بتتعودين وبتشوفين ثقتج زااادت
واشكر الي ردو وساندووني بكلامهم وتشجيعهم
الله يوفقكم يارب