بنات قبل لا أقولكم الحل ألي لقيته لرجولي بقولكم مشواري الطويل للوصول لحل رجولي المتشققه الجافه
طبعا انا ماخليت صالون تجميلي ولا مركز للعناية للقدم ولا كريمات العناية الغالية ولا شي مافادتني …
يمكن أحصل على نوعمة نوعاً ما أول 3 أيام وبعدها تبدا ريولي تتشقق مع العلم أني ما أمشي في البيت حافيه والدلاغ مايفارق ريلي.. بس بعد اول مشوار خارج المنزل بدون دلاغ تروح النعومه وتبدا تتشقق ريلي ويتغير لونها ..
حتى أني من سنة تقريبا بعد ما خطفت على كل الكريمات .. رحت وطلبت منتج طبي من النت من شركة معروفة والمنتج غالي وااااااايد وأستخدامه مره وحده أحطه في ريولي 50دقيقة وأغسله والله ماصار تغير ولا حتى10% بالمية والمنتج صار متوفر الحين ويمكن بعض التاجرات يبيعونه عشان جذيه ماحب أذكر أسمه ماريد أقطع رزق أحد
المهم كنت أزور ربيعتي ولمحت ريلها من تحت مثل ريول البيبي تبارك الله مع أني أعرف طبيعة ريولها جافه ومتشققه مثلي وسألتها يا فلانه ماشالله ريولج شكلها مثل ريول البيبي ولونها حلو وصحي شو السالفه ؟؟ صدمتني وقالت أنها تستخدم نير لإزالة الشعر على خف ريولها من تحت يعني تحط نير على رجولها من تحت 15دقيقة وبعدين تغسلة وتحكة حكه خفيفه بالمبرد وترجع تغسلة وتنشفهم وتحط شوية فازلين … يعني لا صالونات ولا مراكز العناية بالقدم ولاكريماااات غالية ولاشي
وطبعا انا تريت لين ثالث يوم العيد وعلى طول لبست قفازات عشان النير ما يخرب أضافري أيديني ووزعت النير على خف ريولي من تحت وخليته 10دقايق بس لأني كنت خايفة من التجربة وبعدها غسلته وخذيت المبرد وقمت أحك ريولي بكل لطف وبشكل خفيف ورجعت أغسلها بالماي ونشفتها والله لما شفت ريولي ماعرفتها ههههه طبعا أنا الحين كل يوم بالليل أدهن ريولي بشوية فازلين بعد هالتجربة ومب متقيده بالدلاغ وليومكم ريولي نعومه فضيعة ماشالله ولونهم يفتح النفس
وألي تجربها وتفيدها تدعيلي بدعوه حلوه
والاهم بنات الحذر كل الحذر ألي عندها مرض جلدي او جروح أو تتحسس لا تجازف وتسويها مو معناته إذا ماضرتني او ماضرت ربيعتي يعني ماتضركم
وفيه طريقة ثانية تحطين فازلين قبل لا ترقدين وتلبسين دلاغ
من اول تجربة راح تلاحظين الفرق ,,
المشاركة الأصلية كتبت بواسطة Um – Saif 
وفيه طريقة ثانية تحطين فازلين قبل لا ترقدين وتلبسين دلاغ
من اول تجربة راح تلاحظين الفرق ,,
هذه طريقتي قبل لا أستخدم الكريم ومثل ماقلتي أحصل نعومه لكن بسرعه تتلاشى من اترك الدلاغ سبحان