الحمى المتكررة

السلام عليكم يا أخوات….
أتمنى إنكم تفيدوني، أنا ألحين ولدي عمره 3 سنوات ونص ومن 3 أسابيع كل بداية الأسبوع تيه حمى يوم يومين وتروح وبصراحة أنا تعبت وكل ما أودية الدكتور يجول ما في شي. معقولة هالوضع طبيعي؟؟!!!

حتى الحضانة منعته يروح لأني أخاف إنة يرد لي مريض، ردو علي جزاكم الله خير

الغاليه
سويله تحليل دم علشان تعرفين شو سبب الحمى بالضبط
ان شاء الله ما عليه شر

الحال من بعضه..عندي بنتي من 4 ايام يتها حمى وخازت وردت عليها البارحه وخازت ..وولدي عمره 5 سنوات البارحه الصبح كانت فيه حراره وخازت ورجعت له فالليل والحين هم بخير الحمدلله ..والحمى منتشره تخوز وترد ..يقولون فيروس

مشكورين على الردود،
والله أمس وديته وسووله تحليل دم والحمدلله كله سليم.
بس الله يعينا من هاي الفيروسات ويعافي عيالكم وعيالنا

هذا فايرس صاب بنتي كمن مره بس كل مره الدكتور يقولي تمي كل 4 ساعات عطيها خافض لمدت يومين او 3

والحمد لله على طول تروح

الله يشافيه ويعافيه وما يشوف شر