مرحبا خواتي انا بكر وعملوا لي جراحه بس ما اعرف كيف تنظيف الجراحه
سمعت وايد اشياء بس ابي استفيد منكم
كم فتره تمت الخياطه فيكم …
هل صح المرة زين اللجراحه
سؤال اخر
انا الحين في اليوم الثاني للولاده بس ماينزل لي دم وايد مثل ما سمعت هل هذا الشيء طبيعي
وهل فيه حبوب تنزل الدم
كيف تهتمي بطنج عشان ما تكون لج كرشه بعدين
مبروووووووك اختي الولاده
انا بعد اتريا الردود
صح عندي بنوته
بس مااحس معلوماتي بتفيدج وايد
لانه خياطي ماكانت زينه وعانيت منها شهرين
فرديت عدتها فمستشفى ثاني
بعد الولاده يعطونج حبوب مثل الكبسولات بس موب كل المستشفيات
هالحبوب عن البواسير اللي اتصير الحرمه بعد الولاده .. اتخفف منها + اتقلل من نزول دم النفاس اتخليه ينزل براحه
اقل من الدوره الشهريه ويستمر دم النفاس فيج 10 الى 15 يوم بس واتكونين مرتاحه من الالام
وتنظيف الخياطه بس بمطهر ( البيتادين ) من الصيدليه مكتوب عليه غسول عن حب الشباب لكن ينفع لمنطقة الخياطه وبعد ماجففينها ماتحطين اي شي والخياطه من نفسها بتنزل واتلين بعد اسبوع !
فيه حريم يحطون ملح …,بس هالشي غلط واكبر غلط لان الملح يشد الخيط ويخرب الخياطه
استخدام الملح بس اذا ماسويتي خياطه وولدتي طبيعي
طبعا بيقولون الاوليين ويدادتنا مااستغنوا عن الملح .. ( لانهم قبل مايخيطون الجرح !! مووول بس ولادتهم طبيعيه )
واغلبهم كانوا يسقطون والا يموت الجنين لان ماعندهم قبل شق منطقة العجان والخياطه مثل الحين ( الحمد الله)
اطور العلم ويقدر الجنين يطلع بسهوله …
والحمد الله على سلامتج وسلامة الطفل ويتربي في عز والديه