الدخون ومحل الورد محتايين مساعدتكم للضرورة .بنات العين .

الســـــــــــــــــــــــــالفه يا طويلات العمر
اختيه كانت سايره محل الورد واحد من محلات العين اسمه ( بحيرة الزهور )
والى يشتغلون فيه سوري وفلبيني وهو عدال محلات العبي الغشوه وبلو ليدي وهنادي والجماعه الى بهالشارع كله
المهم كانت اختي هناك وجافت مناديس عروس يالسه يغلفونها ومن ضمن الاغراض لقت
دخون شيء منه معمول وشيء منه عود واكثر عن مضرب معطرات فراش
المهم الدخون كانت في علبه كبيرة وما شاءالله يمكن فيه قرابه ال25 او 30 حبه دخون
وريحته تفووووووووووووووح من حلاتها ما شاءالله
سالته شو اسم الدخون او اذا كان عليه استيكر او اي شيء قال لها لا يمكن حرمه مسويتنه
وبالفعل طلع شغل وحده من الحريم وقال دقي عقب كم يوم وبنكون اكيد سالنا اصحاب المناديس يوم اييون يستلمونها ودقت اختي عليه وشكله نصاب لانه يقول ما عطتنا رقمها وانه ما رام يسالها عن الرقم بالرغم انه الحرمه قالت له انه تسوي حق اكثر عن محل وتطرش دبي وبوظبي والشارجه
!!!!!!!!!!!!!!!!!!!!!!!!! هل معقوله ما بيسالها عن الرقم ولا هيه بتعطيه ؟؟؟ قالت له انها بتييب له كمن حبه وبتخليهن عنده عسب يبعهن لها وهو سال اختي عن سعرهم في السوق قالت اختي هيه كم تبى قال لها ماعرف بس عقب كمن يوم بتييب اكثر عن علبه الحينه شكله السوري يبى ينصب علينا ويستفيد من ورى الحرمه شو الحل !!!!!!!!!!!!!
رحم الله والدينكم يا خواتي الى اتعرف هاي الحرمه او اتعرف منو اصحاب المناديس لو بالصدفه ومن وين يايبين الدخون ومضارب الفراش يعل الله يوفجها دنيا واخره يارب العالمين
تعبنا من استغلال المصانع بالاضافه انه غلا ع الفاضي وريحه الدخون تكون احيانا اي كلام وما تستاهل سعرها
بس ما شاءالله على شغل هالحرمه ربي يحفظها من كل شر يهببببببببببل