عندي سؤال و استفسار عن الدورة الشهرية و الي تعرف تجاوب و ان شاء الله الكل يستفيد
انا قريت مرة عن طريقة اتخلي الدورة كلها تنزل مرة وحده و ما تلعوز الحرمة ثلاث اربع ايام آخر شي و اتم تنقط بالقطارة
المهم مشكلتي انه الدورة اول يومين قطرات .. و بعدين دورة عادية … و بعدين اخر ثلاث ايام نقط و ارف و وسخ…اتعرفون شو القصد
المهم انا قريت انه الحرمة الي تدفي عمرها و تلبس ما اعرف شو ما تستويلها هالسوالف… وانه الوحدة لازم تشرب اشياء معينه عشان تنظف الرحم اسرع
الي تعرف شو السالفة تخبرني لاني صدق صدق واااايد اعاني من هالموضوع ..يعني الدورة على بعضها اربع ايام +5 ايام او اكثر دلع(قطرات دم و وسخ) هذي مش حالة…ما اقدر اتحمل الصراحة
.. توضيح…. انا اقصد انه الدورة تنزل مرة وحدة …يعني تاخذ مدتها 4 او 5 او 6 او 7 ايام مب مشكلة لكن مب بعد ال5 ايام تخلص و اتم بقاياها 4 ايام ثانية…يعني زيادة عن الدورة الي كانت 7 ايام بعد 4 ايام بس الوسخ ينزل شوي شوي
و شكرا
اان شاء الله البنات مابيقصرن
لازم الدوره يبالها 5 او 6 ايام وفي ناس اطول عندهم لين 7 و8 عادي
مايخصه بنظافه الرحم ولا غيره .. كل وحده وطبيعه جسمها
واكيد هناك مشروبات تنظف الرحم بس مايخصه بمده الدوره
بس حبيبتي في مشروبات تخلي الدورة تنزل بس اكيد مابتخلص في يومين لازم اتم نفس الوقت اللي اتم فيه عادة
انا جربت القرفة وحسيت في فرق (نزلت الدورة في اول يوم وايد بس يعني مش غزيرة والايام الثانيه خفت بالتدريج لين خلصت اليوم الخامس نهائيا من غير دلع هع هع هع )
جربي يمكن تفيدج وشوفي اذا حد يعرف شي ثاني وجربيه وخبريناااااا