اشحالكم عساكم طيبات اليوم حابة اخبركم عن ها الألة وهي انها تساعد في ازالة الندوب والخطوط البيضاء وازابة الدهون و وازالة التجاعيد والسؤال هو كيف تعمل هذة الالة ؟ خخخخخ الحين حصة العربي لوووول تعمل على انتاج الكولجين طبعا مع الاستمرار في الاستعمال بحيث ان الندوب الي ما في تحتها كولوجين يصير لها تحسن وترتفع والبشرة تصير مشدودة وهاي الالة تكلمو عنها في برنامج اجنبي ومو بس هاي شغلتها بعدهي تساعد على تكثيف الشعر في فرة الراس ولاني ما اقدر اتكلم عن كل شي في وقت واحد الا اني مختصرة وااااايد يعني مسوية موجز عنها نرجع الالة هاي صورتها
عبارة عن ابر مثل مانتو شايفين وكل الة تختلف في طول الابرة يعني كل طول ابرة مخصصة لشي تقاس طبعا بالملي يعني لتجاعيد رقم وللخطوط والندوب العميقة رقم والشعر بعد رقم عشان تقدر تخترق البشرة وتنشط وتحفز على انتاج الكلوجين والالاستين
الي مهتمة في الموضوع تقدر تدخل اليوتيوب بتلاقي فيديو عن كيفية استخدامة وطرق المحافظة علية derma rollre instructins + dermaroller collegen induction
لاني ما قدرت انزلة هني حاولت بس ما عرفت تقدرون تدخلون الموقع مباشرة الموقع اجنبي وفية كل المعلومات الي تحتاجونها اني لاخر شي وهو اني اشتريتة من الموقع ملاحظة الي تحب تشترية لازم تعطيهم بياناتها وتأكد لهم رقم الموبايل انهم يكتبونة علية لان خدمتهم غير عنا وهني اذا ما شافو الرقم ممكن يرجعونة لهم لانة يعتبر مب معروف هذا الي صار لي
التجربة شو كانت؟
النتيجة انة وصلني من فترة بسيطة يعني يبالي استخدام مستمر + الي لاحظتة خلال الاستخدام ان بشرتي تتقشر ومشدودة شوي لاني استخدمة مع كريم لرويال collogen filler اما الندوب بعدها بس في ناس فادهم على طول واحسو برتفاع الحفر في فترة الشهر ها من خلال تجربة من النت ما شفت بعيني والنتيجة تبين نتايجها خلال شهر وبتلاحظين بها الشي في فترة الاسبوعين الاولين
نصيحة مني الي حابة تشترية يوم تستخدمية لاتفركي ويهج فية بقوة يعني تطلعي الدم السالفة كلها انج تمرين الجهاز على المكان المطلوب اما على شكل زائد + او على شكل x عدة مرات بتلاحظين المنطقة احمرت عادي بيروح واذا حطيتي اي كريم تحبينة مثل مغذي نسبة الامتصاص بدل ما تكون 50 % بتصير 100% اما من ناحية الاثار الجانبية ممكن تلاحظين بقع انا ما صار لي بس الاماكن اللي حمرت وايد يمكن اغمجت شوي محد يقدر يلاحظة وكل يوم الصبح الاقي بشرتي تتقشر واي سؤال انا حاضرة
ممكن أعرف بكم سعره
وبتريى تجربتج و عقب بشوووف لو عيبني باخذ
المشاركة الأصلية كتبت بواسطة miss classico 
ممكن أعرف بكم سعره
الغالية في انواع من الالة على حسب في نوع يكون معقم ويتحمل وهذا الي خذتة تقريبا مع رسوم التوصيل عبر الوستريونيون ب 400 درهم يعني الجهاز يمكن تقريبا ب350 وفي نوع ثاني يكون ارخص اعتقد تستخدمية لمدة معينة