مرحبا بنات …انا بعد ولادتي ببنتي البكر …حاولت أرضعها طبيعي بس ما فيني حليب..كل ما ارضعها اول ما تمسك الثدي الحبيبة ترقد أحاول اقعدها بس ماشي فايدة…و يوم أحطها تقعد خمس دقايق و تنش…تعبت معاها وااااايد…مرات أقعد من ساعتين لين ثلاث متواصلة ارضعها و يوم أحطها ترقد ما يمديها 10 دقايق و تصيح يوعاااانه….تعبت ما قدرت اسوي شي و لا اتحرك …و لا ارتاح… عطيتها صناعي عشان تشبع…و ارضعها طبيعي بس الصصناعي اكثر عن الطبييعي ….ألحين كملت شهرين و احس انة شوي احسن فيني حليب تتوقعون لو زدت الطبيعي اكثر عن الصناعي في هالفترة بيفيد البيبي ..ولا خلاص فترة الأربعين احس فترة للرضاعة الطبيعية
Up
Up
Up
Up
Up
اختى الرضاعه الطبيعيه زينه للطفل
لسن سنه وأقل شي 6 شهور لانهاا مو تغذيه بس بالعكس
تعطى الطفل مناعه طبيعيه
بالتوفيق
مرحب .. بصراااحه انا شرااتج يوم كنت ف المستشفى كانو يعطون ولدي حليب صناعي لأن هذا اول حمل لي وماعرف وماكان فيي حليب..
وساعدوني بعد لاني يبته بعمليه.. عقبها بــ3 ايام يمكن خلوني اعتمد على عمري عشان ينزللي حليب..
انا بعدي ماكملت شهر من ربيت,, حتى لو مافيي حليب اخليه يمص,, عقب نزللي شوي
حبيبتي اشربي حليب فرش مفيور مع حلبه وعسل يومياَ من تنشين وقبل ماترقدين .. بينزللج حليب انشااء الله
عطيها طبيعي احسن لأنه مناااعه لها دام ان فيج الحين شوي ولو ماعطيتيها ببينشف الحليب اللي فيج ومابينزللج عقب.. وعادي تحملين !! وايد صارت..
وعشان تجبرينها تشرب وتمص حتى لو رقدت إلعبي بأطراف أصابعج ع الخفيف تحت إذنها كأنج تدغدغينها .. هالحركه تيوع البيبي..
الله يعينج ويوفقج ان شااء الله .. و تتربى ف عزج ياارب ^^
المشاركة الأصلية كتبت بواسطة زم_قمر_ان 
اختى الرضاعه الطبيعيه زينه للطفل
لسن سنه وأقل شي 6 شهور لانهاا مو تغذيه بس بالعكس
تعطى الطفل مناعه طبيعيه
كلامها صح
حاولي اترضعينها … و يقولون نصخ الياهل يسوي حليب ,,,