انا مقررة ان شاءالله اني احمل بس خايفة وااااااايد من الرضاعة لأني تعذبت واايد في فترة الرضاعة..والله سبحانه وتعالى رحمنى وخلص الحليب الي فيني..على قد ما كنت فرحانة ان كل الالام راحت..على كثر ماحزنت ان رزق البيبي راح…
عالعموم..ابا اسأل كل وحدة كم سؤال ودخيلكم لا تطنشون لأني محتاجة رايكن:
1-هل تألمتي وايد اثناء الرضاعة؟
2-هل كان صدرج يمتلا بالحليب بطريقة تعورج لدرجة البكاء؟
3-هل كنتي تشفطين والا ؟
4-كم استمرت فترة رضاعتج للبيبي؟
5-كيف تستحملين الالم اذا كنت مداومة وصدرج متروس حليب؟
اتريا ردودكن يا خواتي لأن صدق الرضاعة عندي كابووووووووووووس مؤلم لدرجة اني ماكنت اقدر اكل اي شي بسبة الم صدري
بس يوم كنت اداوم كان يمتزر شوي وكنت استاااانس يوم ارد البيت لانها بتشرب و بتشبع وانا كنت اعطيها طبعا صناعي بعد عسب تشبع و يوم كنت احاول اشفط كنت اتالم مووووت من الجرج وماكان ينزل حلييب واايد ,
تقريبا رضعت 6 شهور الاهم مرحلة و خلاص جف بروحه ..
الرضاعه نعمه من الله تنفعج وتنفع البيبي وتحميكم من الامراض
نصائح ام مجربه
اولا لازم الالم في الاياام الاولي لان الرحم يرجع لمكانه الطبيعي , وبعدين يروح الالم بالتدريج ولازم تهتمين وتحطين كريم واحسن كريم زبدة الكاكاو غسلي صدرج وبعدين حطيه فالجهتين ويوم ترضعين البيبي عادي لو ماغسلتيه بس اغسليه بشويه ماي من جهه وحده ورضعي بعد ماتخصلين غسليه ومباشره كريم اكيد البيبي بيرقد وردي يم ينش رضعيه من الجهه الثانيه وناوبي بالكريم فالجهتين صدقيني مابيتقطع.
ثانيا اول ماتردين من الدوام على طول تحممي وشفطي كل الحليب عشان ترتاحين وخليه فالثلاجه عشان باجر يرضع البيبي حليبج احسن له.
قبل ماتروحين الدوام اذا كنتي طول الليل ترضعين يمكن يكون الحليب قليل فيج الصبح بس اذا كان وايد شفطي قبل ماتروحين الدوام
ويوم تتسبحين اذا حسيتي صدرج متحجر مره غسليه بماي بارد ومره دافي يساعد على نزوله اسرع
وفالاخير اختي اول بيبي يكون الحليب ووووووايد بس الثاني والثالث يكون اقل
انا رضعت بنتي سنة وشهرين ونشف الحليب, واللحين ارضع ولدي عمره سنه وشهرين ولا افكر افطمه لين يكمل سنتين وزياده
لا تخااافين اختي والله يسهل عليج
انا عني رضعت بنتي سنة و ثلاث شهور ما شاء الله و اتمنيت اكثر بس صارت لي ضروف ما قدرت و مع انها الحين عمرها سنتين بس احسها الين الحين اتحن للرضاعة و تحط راسها ع صدري هههه
احملي و توكلي على الله و قد ما تقدرين رضعي البيبي و الرضاعة رزق و كل مولود ورزقه
واستوتلي تشققات سوتلي ألم فظييييع ويطلع منها دم
كرهت شي اسمه رضااعه من هالشي